US President Donald Trump – DZAR 1026
DZAR 1026 (Ka-Partner mo sa Balita at Serbisyo!)

Tag: US President Donald Trump

Twitter account ng McDonald’s na-hack

Twitter account ng McDonald’s na-hack

International News
Agad na binura ng McDonald’s Corporation ang tweet mula sa kanilang Twitter account na pumupuna kay US President Donald Trump. Ayon sa kumpanya, na-hack ang kanilang Twitter account base na rin sa kanilang isinagawang imbestigasyon. Sa nasabing tweet, binanggit ang Twitter handle ni Trump at tinawag itong ‘disgusting excuse’ para maging pangulo ng Amerika. Nais din umano nitong makabalik sa puwesto ang pinalitan ni Trump na si Barack Obama. Pinansin din ng nag-tweet ang umano’y maliliit na kamay ni Trump. Wala namang komento ang Twitter at si Trump sa insidente. Magkakahalong reaksiyon naman ang inani ng nasabing tweet mula sa mga tagasuporta at kritiko ni Trump.
Bagong Trump travel ban, hinarang ng korte

Bagong Trump travel ban, hinarang ng korte

International News
Hinarang ng isang judge sa Hawaii ang bagong travel ban ni US President Donald Trump, ilang oras bago ito tuluyang maipatupad. Ayon kay US District Judge Derrick Watson, kuwestiyonable ang ebidensiya sa argumento ng gobyerno na patungkol sa national security ang ban. Tinawag naman ni Trump ang desisyon ng korte bilang ‘unprecedented judicial overreach.’ Handa naman si Trump na dumulog sa Korte Suprema at kumpiyansa siyang magtatagumpay roon. Sa ilalim ng nasabing ban ay sasailalim sa 90-day ban ang mga mula sa anim na Muslim nations at 120-day ban naman sa mga refugee.
Pilipinas, hindi kasama sa bagong travel ban ng Amerika

Pilipinas, hindi kasama sa bagong travel ban ng Amerika

National News
Hindi kasama ang Pilipinas sa anim na bansang saklaw ng bagong executive order ni US President Donald Trump kaugnay ng travel ban ng bansang Amerika. Ayon sa Embahada ng Amerika sa Pilipinas, maaari nang mag-apply ng visa ang mga Pilipino dahil sa hindi apektado ng travel ban ang mga ito. Ibig sabihin, maaaring pumasok ang isang Pinoy sa Amerika nang may valid na Philippine passport at valid na visa. Pinirmahan ni Trump ang bagong EO sa travel ban noong Marso 6.
White House, pinaiimbestigahan sa US Congress kung may pang-aabuso sa executive power ang Obama Administration noong 2016 campaign period

White House, pinaiimbestigahan sa US Congress kung may pang-aabuso sa executive power ang Obama Administration noong 2016 campaign period

International News
Hiniling ng White House sa US Congress na imbestigahan kung nagkaroon ng pang-aabuso sa executive power ang Obama Administration noong kasagsagan ng 2016 campaign period. Kasunod ito ng paratang ni US President Donald Trump kay dating US President Barack Obama na nang-wiretap umano sa kanyang telepono sa Trump Tower na nagsilbing campaign headquarters ni Trump. Ayon kay White House Press Secretary Sean Spicer, ang kahilingan ni Trump ay bahagi ng Congressional probe kaugnay sa umano’y naging impluwensiya ng Russia sa naganap na US presidential elections noong nakaraang taon.
School toilet guidelines para sa mga estudyanteng transgender, binago ni Trump

School toilet guidelines para sa mga estudyanteng transgender, binago ni Trump

International News
Kinansela ng administrasyon ni US President Donald Trump ang guidance mula kay dating US President Barack Obama pabor sa mga estudyanteng transgender. Noong panahon ni Obama ay inatasan nito ang mga pampublikong eskuwelahan na payagan ang mga estudyanteng transgender na gumamit ng banyo, alinsunod sa kanilang gender identity. Nagbigay ng sulat sa mga paaralan sa Amerika para baguhin ang nasabing guidelines. Nagdulot umano ng kalituhan ang direktiba ni Obama patungkol sa paggamit ng banyo. Nangako naman ang Trump Administration na hindi maaapektuhan ang anti-bullying safeguards ng bansa.
Mga nagtatrabaho sa IT sector, pinakamataas ang natatanggap na sahod ayon sa Jobstreet

Mga nagtatrabaho sa IT sector, pinakamataas ang natatanggap na sahod ayon sa Jobstreet

National News
Pinakamataas ang pasahod sa sektor ng Information Technology (IT) na patuloy ang paglago sa kabila ng mga banta ni US President Donald Trump. Sa 2017 salary report ng recruitment website na jobstreet.com, customer service at mga technical help desk pa rin ang pinaka-in demand. Nangunguna ang IT-related work sa mga nasa isa hanggang sampung taon sa trabaho o junior executives at supervisors. Samantalang pangalawa naman ito sa managerial level o pataas. Nasa P37,034 hanggang P91,100 ang natatanggap na sahod ng mga nagtatrabaho sa IT sector.
Pilipinas, special mention sa global report ng AI

Pilipinas, special mention sa global report ng AI

National News
Special mention ang Pilipinas sa report ng Amnesty International (AI) sa estado ng karapatang pantao sa buong mundo. Sa nasabing report, sinisi ng AI sina US President Donald Trump, Hungarian Prime Minister Viktor Orban, Turkish President Recep Tayyip Erdogan at si Pangulong Rodrigo Duterte kung bakit paurong ang usad ng karapatang pantao. Dahil umano sa nasabing mga lider kaya’t tumindi ang ‘angrier at more divisive politics.’ Ayon kay AI-Philippines Head Attorney Jose Noel Alano, maituturing na teribleng taon ang 2016 para sa karapatang pantao. Sa unang beses din aniya, simula noong Martial Law ay nabanggit ang Pilipinas sa foreword section ng report
Mga istraktura ng China sa South China Sea para sa kanilang missiles, matatapos na

Mga istraktura ng China sa South China Sea para sa kanilang missiles, matatapos na

International News
Matatapos na ng China ang pagtatayo nang halos dalawang dosenang istraktura sa mga artipisyal na isla sa South China Sea. Ang impormasyon ay mula sa dalawang opisyal ng Amerika. Sinasabing para sa mga long-range surface-to-air missiles ang tinatapos na mga istraktura. Wala namang sinabi ang mga opisyal kung kailan maaaring mag-deploy ang China ng mga missile sa isla. Ang nasabing militarisasyon ay isa umanong political test kung paano ito sasagutin ni US President Donald Trump. Wala pa namang sagot ang Embahada ng China sa Amerika sa nasabing impormasyon.
22 katao, arestado sa iligal na pagpasok sa border ng Canada

22 katao, arestado sa iligal na pagpasok sa border ng Canada

International News
Dalawampu’t dalawang katao ang nahuling iligal na tumatawid sa border ng Canada sa Probinsiya ng Manitoba. Ayon sa Canada Border Services Agency, dumarami ang mga taong pumupunta sa Canada kahit pa sa mapanganib na kondisyon. Nangangamba umano ang karamihan sa refugees para sa kanilang seguridad at buhay dahil sa travel ban at Immigration Policy ni US President Donald Trump. Una nang sinabi ni Canadian Prime Minister Justin Trudeau na bukas ang kanilang bansa para sa mga refugees.