SMNI News Channel – DZAR 1026
DZAR 1026 (Ka-Partner mo sa Balita at Serbisyo!)

Tag: SMNI News Channel

New York Times pinagpapaliwanag sa report vs Duterte

New York Times pinagpapaliwanag sa report vs Duterte

National News
Humihirit ng apology at paliwanag ang isang kongresistang kaalyado ng administrasyon sa artikulong nailathala sa New York Times patungkol kay Pangulong Rodrigo Duterte. Sa isang Facebook post, inilarawan ni Davao City Congressman Karlo Alexei Nograles ang nasabing artikulo na ‘malisyoso, rebooted, rehashed at exaggerated remake’ ng isang movie script. Binira rin ng kongresista ang nagsulat ng artikulo na si Richard Paddock dahil sa ang inilagay lang umano nito sa artikulo ay ang mga hindi paborable kay Duterte. Si Paddock ay isang investigative reporter na nagsisilbing contributor sa New York Times. Ani Nograles, sinira nito ang ‘time-honored balance’ na kailangan sa pamamahayag at sinira rin nito ang interes ng bansa, kaya’t dapat na mag-sorry ang New York Times....
Duterte, Robredo magkatabi sa PNPA graduation

Duterte, Robredo magkatabi sa PNPA graduation

National News
Muling nagkita ngayong araw sina Pangulong Rodrigo Duterte at Vice President Leni Robredo sa graduation ceremony ng Philippine National Police Academy (PNPA). Dumalo ang dalawa sa pagtatapos ng PNPA Masidlak Class of 2017. Sa seremonya ay magkatabi ng upuan ang dalawa taliwas sa unang plano na pagigitnaan ni Department of the Interior and Local Government (DILG) Secretary Ismael Sueno ang dalawa. Ito ang kauna-unahang pagkakataon na nagkasama sina Duterte at Robredo simula nang ihain ang impeachment complaint sa pangulo at lumutang ang planong pagpapa-impeach din sa bise presidente. Sandaan at dalawampu’t dalawa ang lalaki samantalang dalawampu’t dalawang babae naman ang magsisipagtapos. Walumpu’t walo sa mga ito ay mapupunta sa Philippine National Police (PNP), 31 sa ...
Robredo, huwag gawing ‘bargaining chip’ ng admin — Alejano

Robredo, huwag gawing ‘bargaining chip’ ng admin — Alejano

National News
Nanindigan si Magdalo Party-list Representative Gary Alejano na hindi niya babawiin ang impeachment complaint laban kay Pangulong Rodrigo Duterte. Ito ay kahit pa aniya masampahan din ng hiwalay na reklamo si Vice President Leni Robredo. Pero punto ni Alejano, hindi dapat gawing ‘bargaining chip’ ng administrasyon si Robredo para kontrahin ang impeachment complaint kay Duterte. Sinabi ni Alejano na kinakabahan ang administrasyon sa ginagawang pagbabanta sa pangalawang pangulo. Dagdag pa ng kongresista, hindi nila kaalyado si Robredo at wala rin itong kinalaman sa isinampa nilang impeachment complaint.
Pabahay sa Rizal tinangkang okupahan ng Kadamay

Pabahay sa Rizal tinangkang okupahan ng Kadamay

National News
Tinangka ring okupahan ng mga miyembro ng Kadamay ang housing project ng Armed Forces of the Philippines-Philippine National Police (AFP-PNP) sa Barangay San Rafael, Montalban sa Rizal. Ayon kay Superintendent Hector Grijal, chief of police ng Montalban PNP, kaninang pasado alas-tres ng madaling araw nang dumating at magbarikada ang mga miyembro ng Kadamay sa La Soledaridad housing projects. Pero agad namang nakaresponde ang Montalban Police kasama ang augmentation force mula sa Pililla, Rizal. Ayon naman sa isa sa opisyal ng developer ng subdibisyon ay napahupa ang tensiyon matapos ang pakikipagnegosasyon sa mga lider ng Kadamay. Kusa na ring nag-disperse ang grupo.
Dela Rosa umaming may ‘palit-ulo’ scheme

Dela Rosa umaming may ‘palit-ulo’ scheme

National News
Inamin ni Philippine National Police (PNP) Chief Director General Ronald Dela Rosa na may ‘palit-ulo’ sa hanay ng kapulisan. Pero paglilinaw ni Dela Rosa, iba ito sa binanggit ni Vice President Leni Robredo. Sa isang pulong-balitaan, itinanggi ni Dela Rosa ang sinasabi ni Robredo na ipapalit ang kaanak ng isang taong nasa drug list kung hindi mahanap ang taong nasa mismong listahan. Ang ‘common practice’ aniya ng pulis ay ang pagtukoy ng mga arestadong drug pusher sa pinagkukunan nila ng droga. Kung sasabihin umano ito ng naaresto ay bababa ang kasong isasampa. Tiniyak naman ni Dela Rosa na maparurusahan ang sinumang pulis sa paraan ng ‘palit-ulo’ na sinasabi ni Robredo. Bubugbugin din umano niya sa harap ni Robredo ang mga pulis na sangkot diumano sa sina...
Lorenzana pinarangalan ng US Embassy

Lorenzana pinarangalan ng US Embassy

National News
Tumanggap ng parangal si Department of National Defense (DND) Secretary Delfin Lorenzana mula sa US Embassy. Iginawad ni US Ambassador to the Philippines Sung Kim kay Lorenzana ang Major General Albert Jones Memorial Award sa pagdiriwang ng ika-70 anibersaryo ng Joint US Military Assistance Group (JUSMAG). Ang nasabing award ay iginagawad sa mga natatanging opisyal ng gobyerno ng Amerika at Pilipinas na may mahalagang ambag sa bilateral defense ng dalawang bansa.
VP Leni Robredo iniuugnay sa impeachment case laban sa pangulo

VP Leni Robredo iniuugnay sa impeachment case laban sa pangulo

National News
Hindi iniaalis ni House Speaker Pantaleon Alvarez ang posibilidad na may kinalaman si Vice President Leni Robredo sa impeachment case na inihain laban kay Pangulong Rodrigo Duterte. Ito aniya ay dahil nagmamadali si Robredo na palitan si Duterte bilang pangulo. Wala pang komento ang kampo ni Robredo sa patutsada ni Alvarez. Makailang ulit namang itinanggi ni Robredo na may balak siyang palitan ang pangulo.
NBI balik-kampanya kontra sa iligal na droga

NBI balik-kampanya kontra sa iligal na droga

National News
Balik na muli ang operasyon ng National Bureau of Investigation (NBI) laban sa iligal na droga. Ito ay matapos na ipabalik ng Pangulong Rodrigo Duterte ang kampanya kontra-droga. Ayon kay Presidential Spokesman Ernesto Abella, ito ang napagdesisyunan ng pangulo matapos ang Cabinet Security Cluster meeting sa Malakanyang. Dapat na tumulong muli ang NBI sa Philippine Drug Enforcement Agency (PDEA) sa pagsawata sa iligal na droga. Matatandaang pinagbawalan muna ng pangulo na magsagawa ng operasyon sa iligal na droga ang NBI matapos masangkot ang ilang ahente nito sa pagdukot at pagpatay sa negosyanteng Koreano na si Jee Ick-joo.