PNP Chief Director General Ronald Dela Rosa – DZAR 1026
DZAR 1026 (Ka-Partner mo sa Balita at Serbisyo!)

Tag: PNP Chief Director General Ronald Dela Rosa

Resulta ng Pulse Asia Survey, pabor sa PNP — Dela Rosa

National News
Pabor umano sa pamunuan ng Philippine National Police (PNP) ang inilabas na survey ng Pulse Asia. Naniniwala si PNP Chief Director General Ronald Dela Rosa na tama ang survey, kung saan ay mas marami sa mga Pinoy ang nagsasabing mas ligtas sila ngayon kumpara sa nakalipas na taon. Ayon kay Dela Rosa, wala siyang pakialam sa mga komento at kritisismong ibinabato ng European Union at maging ng US sa war on drugs ng PNP at ng Pamahalaang Duterte. Giit ni PNP chief na ang taumbayan ang makapagsasabi kung matagumpay ang pulisya sa kampanya laban sa iligal na droga at kriminalidad. Sa nasabing survey, 81% ng mga Pinoy sa buong bansa ang nagsabing nararamdaman nila na mas ligtas sila ngayon kumpara noong isang taon dahil na rin sa kampanya ng pamahalaan laban sa iligal na droga.
PNP, MTRCB nagkasundo sa tamang pagsusuot ng police uniform

PNP, MTRCB nagkasundo sa tamang pagsusuot ng police uniform

National News
Lumagda ang Philippine National Police (PNP) at Movie and Television Review and Classification Board (MTRCB) sa isang memorandum of agreement para sa tamang pagsusuot ng police uniforms sa mga programa sa telebisyon at pelikula. Pinangunahan nina PNP Chief Director General Ronald Dela Rosa, MTRCB Chairman Rachel Arenas at MTRCB Board member Mocha Uson ang aktibidad. Dumalo rin sa memorandum of understanding (MOU) signing si Department of Tourism Secretary Wanda Teo kasabay ng International Women’s Month, kung saan ay ibinida nito ang mga naging tagumpay ng kababaihan, lalo na sa police service. Ayon kay Teo, hindi matatawaran ang mahahalagang kontribusyon ng kababaihan sa lipunan.
PNP target na maging cybercrime free ang cyberspace ng bansa

PNP target na maging cybercrime free ang cyberspace ng bansa

National News
Target ng Philippine National Police (PNP) na maging crime free ang cyberspace ng Pilipinas. Ito ang ipinahayag ni PNP Chief Director General Ronald Dela Rosa sa pagdiriwang ng ikaapat na National Summit on Cybercrime. Sinabi ni Dela Rosa na satisfied siya sa performance ng PNP-Anti-Cybercrime Group (ACG) sa pangunguna ni Sr. Supt. Marni Marcos Jr., acting director ng PNP-ACG. Ang PNP-ACG ay nasa ikaapat na taon na rin simula nang itatag ito ng Pambansang Pulisya. Ayon kay Dela Rosa, ang specialized unit ng ACG ay ang lumaban ngayon sa cyber criminals. Ani Dela Rosa, sinasamantala umano ng cyber criminals ang cyberspace sa paggamit ng modernong teknolohiya tulad ng Internet para sa kanilang iligal na aktibidad tulad ng kidnapping at illegal drugs.
Mga sangkot sa pagkamatay ni Espinosa hawak na ng CIDG

Mga sangkot sa pagkamatay ni Espinosa hawak na ng CIDG

National News
Hawak na ng Criminal Investigation and Detection Group (CIDG) Region 8 sina Superintendent Marvin Marcos at labinsiyam na iba pang sangkot sa pagpatay kay Albuera, Leyte Mayor Rolando Espinosa. Ayon kay Philippine National Police (PNP) Chief Director General Ronald Dela Rosa, matapos na ilabas ng korte ang arrest warrant laban sa mga suspek ay agad itong isinilbi ng mga awtoridad. Hinihintay na lamang ni Dela Rosa ang pinal na resulta ng imbestigasyon at rekomendasyon ng PNP-Internal Affairs Service sa kasong administratibo ng dalawampung suspek.
Mga dating tauhan ng AIDG, papayagang makapasok sa bagong DEG ng PNP

Mga dating tauhan ng AIDG, papayagang makapasok sa bagong DEG ng PNP

National News
Papayagan ang mga dating miyembro ng binuwag na Anti-Illegal Drugs Group (AIDG) na makapasok sa bagong drug enforcement group (DEG) ng Philippine National Police (PNP). Ito ay basta malinis ang kanilang rekord,  ayon kay PNP Chief Director General Ronald Dela Rosa. Sinabi ni Dela Rosa na marami sa binuwag na AIDG ang matitino at mahuhusay na operatiba. Ang mga bagong rekrut na pulis ang itatalaga sa DEG samantalang ang mga dating nasa AIDG naman na may malilinis na kalooban ay itatalaga naman umano sa bagong unit. Dagdag pa ng hepe ng Pambansang Pulisya, hindi kakayaning mag-isa ng Philippine Drug Enforcement Agency (PDEA) na ma-sustain ang war on drugs dahil kakaunti lamang ang mga tauhan nito. Una na ring ipinangako ni Dela Rosa na magiging ‘less-bloody’ na ang is...
CHR, tutol sa pagbabalik ng PNP sa war on drugs

CHR, tutol sa pagbabalik ng PNP sa war on drugs

National News
Tutol ang Commission on Human Rights (CHR) sa muling paglulunsad ng Philippine National Police (PNP) ng anti-drug operations. Sa isang pahayag, sinabi ng CHR na wala pang resulta sa internal cleansing ng PNP at wala pa ring makabuluhang imbestigasyon ang isinagawa sa mga kaso ng extrajudicial killings (EJKs). Hinimok naman ng CHR ang gobyerno na i-hold muna ang “Oplan Double Barrel Reloaded” hangga’t wala pang nangyayaring reporma sa loob ng PNP at seryosong imbestigasyon sa mga naganap na pagpatay. Una nang inanunsiyo ni PNP Chief Director General Ronald Dela Rosa na muling sasabak ang PNP sa war on drugs.
Bagong anti-illegal drugs group, inilunsad ng PNP

Bagong anti-illegal drugs group, inilunsad ng PNP

National News
Inilunsad ng Philippine National Police (PNP) ang bagong unit na papalit sa nilusaw na Anti-Illegal Drugs Group (AIDG). Tatawagin ang bagong unit na PNP-Drug Enforcement Group (DEG). Sa isang pulong-balitaan sa Camp Crame, sinabi ni PNP Chief Director General Ronald Dela Rosa na ang grupo ang tututok sa mga high-value target pagdating sa droga. Ani Dela Rosa, pangungunahan ni Senior Superintendent Graciano Mijares na taga-Mindanao ang bagong tatag na unit. Maaaring magpaabot ng reklamo sa PNP sa mga numerong 0917-8950544 at 0998-9992286.
PNP, hindi umano maipapangako na “less bloody” ang paghawak muli sa war on drugs

PNP, hindi umano maipapangako na “less bloody” ang paghawak muli sa war on drugs

National News
Hindi raw maipapangako ni Philippine National Police Chief Director General Ronald Dela Rosa na magiging “less bloody” ang kampanya kontra droga kapag sumali na muli rito ang PNP. Kung si Dela Rosa aniya ang masusunod, hangga’t maaari ay ayaw niyang may dumanak na dugo sa war on drugs. Pero imposible aniya ito dahil hindi isusuko ng mga drug lord ang kanilang interes. Sinabi naman ni Dela Rosa na hindi sila agad-agad sasabak sa giyera kontra droga nang hindi sila handa. Isang bagong anti-drug enforcement group ang bubuin ng pnp para sa kampanya kontra droga.
PNP, bubuo ng bagong anti-drug group

PNP, bubuo ng bagong anti-drug group

National News
Bubuo ng bagong drug enforcement group ang Philippine National Police (PNP) oras na bumalik na ang mga ito sa kampanya kontra-droga. Ani PNP Chief Director General Ronald Dela Rosa, bagong mga opisyal ang mangunguna sa bubuuing bagong grupo. Hindi naman sinabi ni Dela Rosa kung kailan sila babalik sa war on drugs ng administrasyon para na rin aniya masorpresa ang kanilang mga kalaban. Matatandaang ipinauubaya na ni Pangulong Rodrigo Duterte sa PNP ang desisyon kung kailan babalik sa kampanya kontra-droga.
PNP, handa nang bumalik sa kampanya kontra-droga

PNP, handa nang bumalik sa kampanya kontra-droga

National News
Handa ang Philippine National Police (PNP) na muling bumalik sa laban ng administrasyon kontra-droga. Ayon kay PNP Chief Director General Ronald Dela Rosa, marami ang humihiling na ibalik ang PNP sa war on drugs. Aniya, nagiging siga na naman ang mga pusher at bumalik umano ang drug trade ng mga ito. Pero iginiit ni Dela Rosa na hihintayin niya ang utos ni Pangulong Rodrigo Duterte na kanilang commander in chief. Inalis ni Duterte sa PNP ang war on drugs matapos ang pagdukot at pagpatay sa Koreanong si Jee Ick-Joo.