Pilipinas – DZAR 1026
DZAR 1026 (Ka-Partner mo sa Balita at Serbisyo!)

Tag: Pilipinas

Alejano muling bumanat kay Pangulong Duterte

Alejano muling bumanat kay Pangulong Duterte

National News
Pinalagan ni Magdalo Representative Gary Alejano ang pasaring ni Pangulong Rodrigo Duterte na siya ang unang ipadadala nito sa Spratly Island para labanan ang China. Ayon kay Alejano, hindi dapat ipasa ni Duterte ang responsibilidad nito na ipagtanggol ang interes ng bansa. Nais aniyang ipaalaala ni Alejano kay Duterte na kung mayroon man na unang dedepensa sa bansa ay walang iba kundi ang pangulo. Sinabi pa ng kongresista na mistulang binasura ni Duterte ang arbitration ruling na paborable sa Pilipinas kapalit ng bilyong pisong investment at loans mula sa China. Una namang nilinaw ng Malakanyang na handa ang pangulo na ipagtanggol ang interes ng bansa.
Duterte tiniyak na hindi magtatayo ng anumang istraktura ang China sa Panatag Shoal

Duterte tiniyak na hindi magtatayo ng anumang istraktura ang China sa Panatag Shoal

National News
Tiniyak ng China na hindi sila magtatayo ng anumang istraktura sa Panatag Shoal. Ito ang kinumpirma ni Pangulong Rodrigo Duterte at sinabing nagpaliwanag na ang Chinese authorities kaugnay ng mga napabalitang pagtatayo ng monitoring station sa Scarborough at iba pang isla sa West Philippine Sea (WPS). Ayon sa pangulo, sinabihan na siya ng Chinese officials na hindi sila magtatayo ng istraktura sa Panatag Shoal bilang respeto sa pagkakaibigan ng China at Pilipinas. Kumbinsido naman ang pangulo na may ‘word of honor’ ang China at tutuparin ang pangako sa kanya. Una nang pinabulaanan ng Beijing ang napababalitang pagtatayo nito ng monitoring station sa Scarborough.
Pagpapatalsik kina Duterte, Robredo makasasama sa Pilipinas

Pagpapatalsik kina Duterte, Robredo makasasama sa Pilipinas

National News
Nababahala si Manila Mayor Joseph Estrada na hindi makabubuti sa bansa ang dalawang impeachment cases na inihain laban kina Pangulong Rodrigo Duterte at Vice President Leni Robredo. Gayunpaman, kumpiyansa si Estrada na hindi magtatagumpay ang mga naturang impeachment complaints dahil makahahadlang lamang ang mga ito sa pag-unlad ng bansa. Iginiit ni Estrada na ang hakbang para alisin sa puwesto ang mga lider ng bansa na iilang buwan pa lamang sa puwesto ay makababahala sa mga programa ng gobyerno gaya ng kampanya kontra-iligal na droga. Umaasa ang alkalde na mag-uusap ang kampo ni Duterte at Robredo at magkakaisa para sa kapakanan ng mga Pilipino.
Pagmamay-ari sa Scarborough Shoal di-dapat pagduduhan ng mga opisyal ng gobyerno

Pagmamay-ari sa Scarborough Shoal di-dapat pagduduhan ng mga opisyal ng gobyerno

National News
Hindi dapat pagdudahan ng mga opisyal na gobyerno kung aling bansa ang nagmamay-ari sa Scarborough o Panatag Shoal. Ayon sa Maritime Law expert na si Attorney Jay Batongbacal, hindi dapat ganito ang maging posisyon ng gobyerno ng Pilipinas sa nasabing teritoryo. Giit ni Batongbacal, nasa batas at mga dokumento na hindi lamang entitlement kundi may ‘absolute sovereignty’ ang Pilipinas sa Scarborough Shoal. Tiniyak naman ng palasyo na hindi isinusuko ng Pilipinas ang territorial rights ng Pilipinas sa Scarborough.
PNP target na maging cybercrime free ang cyberspace ng bansa

PNP target na maging cybercrime free ang cyberspace ng bansa

National News
Target ng Philippine National Police (PNP) na maging crime free ang cyberspace ng Pilipinas. Ito ang ipinahayag ni PNP Chief Director General Ronald Dela Rosa sa pagdiriwang ng ikaapat na National Summit on Cybercrime. Sinabi ni Dela Rosa na satisfied siya sa performance ng PNP-Anti-Cybercrime Group (ACG) sa pangunguna ni Sr. Supt. Marni Marcos Jr., acting director ng PNP-ACG. Ang PNP-ACG ay nasa ikaapat na taon na rin simula nang itatag ito ng Pambansang Pulisya. Ayon kay Dela Rosa, ang specialized unit ng ACG ay ang lumaban ngayon sa cyber criminals. Ani Dela Rosa, sinasamantala umano ng cyber criminals ang cyberspace sa paggamit ng modernong teknolohiya tulad ng Internet para sa kanilang iligal na aktibidad tulad ng kidnapping at illegal drugs.
Pilipinas pagtatawanan kung mai-impeach sina Duterte at Robredo

Pilipinas pagtatawanan kung mai-impeach sina Duterte at Robredo

National News
Magiging katatawanan lang sa buong mundo ang Pilipinas kung magkakaroon ng impeachment proceedings sa dalawang pinakamatataas na lider ng bansa. Ito ang naging pahayag ni Ako Bikol Party-list Representative Rodel Batocabe sa rekomendasyon niyang magtakda ang Kamara ng moratorium sa mga impeachment complaint. Sa panayam ng DZAR Sonshine Radio kay Batocabe, sinabi niyang masasayang lang ang oras ng mga mambabatas kung sesentro ang atensiyon ng mga ito sa impeachment proceedings.
Pilipinas ‘katawa-tawa’ dahil sa impeachment complaint laban sa pangulo at pangalawang pangulo

Pilipinas ‘katawa-tawa’ dahil sa impeachment complaint laban sa pangulo at pangalawang pangulo

National News
Magiging ‘laughingstock’ ang Pilipinas kung ang dalawang pinakamataas na lider nito ay parehong mahaharap sa impeachment complaint. Ayon kay Senate President Pro Tempore Ralph Recto, kauna-unahang pagkakataon na may impeachment complaint sa pangulo at ikalawang pangulo nang sabay. Naniniwala naman aniya si Recto na hindi basehan ang video message ni Vice President Leni Robredo para maging ground ng betrayal of public trust. Aniya, bahagi ng demokrasya ang pagbatikos sa polisiya ng gobyerno at hindi ito pagtataksil sa tiwala ng publiko. Tumanggi namang magkomento si Recto sa impeachment complaint laban kay Pangulong Rodrigo Duterte dahil hindi pa aniya niya ito nababasa.
Duterte naglabas ng sama ng loob sa EU sa pakikialam sa human rights situation sa Pilipinas

Duterte naglabas ng sama ng loob sa EU sa pakikialam sa human rights situation sa Pilipinas

National News
Binatikos ni Pangulong Rodrigo Duterte ang European Union (EU) dahil sa pakikialam nito sa kalagayan ng karapatang pantao sa bansa. Ayon kay Duterte, paboritong puntiryahin ng EU ang mga bansa sa ASEAN dahil may death penalty ang mga ito gaya ng Indonesia, Malaysia at Pilipinas na binubuhay pa lamang ang parusang kamatayan. Sinabi rin ng pangulo na bakit hindi na lamang pakialaman ng EU ang sarili nitong usapin. Sa isang statement sa UN Human Rights Council, sinabi ng EU na kinikilala nila ang kahalagahang labanan ang problema sa droga subalit naaalarma umano sila sa napakataas na bilang ng namamatay dahil sa labang ito.
Duterte bukas na ayusin ang relasyon ng Pilipinas sa Amerika sa ilalim ng Trump Administration

Duterte bukas na ayusin ang relasyon ng Pilipinas sa Amerika sa ilalim ng Trump Administration

National News
Bukas umano si Pangulong Rodrigo Duterte na makipagmabutihan sa administrasyon ni United States President Donald Trump. Sa kanyang talumpati sa harap ng Filipino community sa Myanmar, sinabi ni Duterte na handa siyang ibigay ang lahat ng anuman sa Trump Administration. Pero maliban na lang aniya sa military alliance dahil hindi kakayanin ng Pilipinas. Nabatid na ang maayos na pakikitungo ni Duterte kay Trump ay malayo sa naging pakikitungo nito noon kay dating US President Barack Obama.
China, hindi mapipigilan sa planong pagtatayo ng monitoring station sa Panatag Shoal—Duterte

China, hindi mapipigilan sa planong pagtatayo ng monitoring station sa Panatag Shoal—Duterte

National News
Hindi umano mapipigilan ng Pilipinas ang China sa plano nitong pagtatayo ng monitoring station sa Panatag Shoal. Ayon kay Pangulong Rodrigo Duterte, hindi mapipigilan maging ng Amerika ang China na gawin ang gusto nito sa South China Sea. Nabatid na binabalak ng China na simulan ang kanilang preparatory work para sa pagtatayo ng environmental monitoring station sa mga isla sa South China Sea kabilang na ang Panatag Shoal. Sinabi naman ni Duterte na hindi siya maaaring gumawa ng agresibong hakbang laban sa China na aniya’y kaibigan ng Pilipinas tulad na lamang ng Amerika at Russia. Sakali raw na magdeklara ang pangulo ng giyera kontra-China ay malamang na mauubos ang militar at pulis ng Pilipinas. Dagdag pa ni Duterte, wala naman siyang nakikitang masama sa ginawang pag...