Philippine Institute of Volcanology and Seismology – DZAR 1026
DZAR 1026 (Ka-Partner mo sa Balita at Serbisyo!)

Tag: Philippine Institute of Volcanology and Seismology

Cebu nilindol kaninang madaling-araw

Cebu nilindol kaninang madaling-araw

Provincial
Niyanig ng magkasunod na lindol ang Cebu kaninang madaling-araw. Sa datos ng Philippine Institute of Volcanology and Seismology (PHIVOLCS), unang naitala ang magnitude 3.4 na lindol sa Asturias, Cebu na may lalim na limang kilometro bandang alas-3:41. Makalipas ang ilang minuto, sunod namang naramdaman ang magnitude 4.8 na lindol sa Balamban, Cebu na may lalim na dalawampu’t limang kilometro. Naramdaman ang intensity 3 sa Cebu City samantalang intensity 2 naman sa Lapu-Lapu City at Mandaue City. Pawang tectonic ang origin ng magkasunod na lindol. Wala namang naiulat na napinsala o nasaktan dahil sa magkasunod na pagyanig.
Cotabato City niyanig ng lindol

Cotabato City niyanig ng lindol

Provincial
Niyanig ng magnitude 3.6 na lindol ang Cotabato City. Naitala ang lindol sa 64 kilometro Hilagang-Silangan ng Cotabato City, kaninang alas-10:33 ng umaga. Ayon sa Philippine Institute of Volcanology and Seismology (PHIVOLCS), tectonic ang origin ng lindol at may lalim na labing-isang kilometro. Wala namang naitalang pinsala o inaasahang aftershocks matapos ang lindol.
Surigao Del Norte, muling niyanig ng 3 magkakasunod na lindol

Surigao Del Norte, muling niyanig ng 3 magkakasunod na lindol

Provincial
Muling niyanig ng tatlong magkakasunod na lindol ang Surigao Del Norte kahapon. Ayon sa Philippine Institute of Volcanology and Seismology (PHIVOLCS)-Surigao, tumama ang lindol sa Bayan ng Burgos, Surigao Del Norte. Nilinaw ng PHIVOLCS na ang naturang mga pagyanig ay hindi aftershocks sa magnitude 6.7 na lindol na tumama sa Siyudad ng Surigao noong Pebrero a-diyes. Ito ay dahil ibang fault diumano ang gumalaw, kung ihahambing sa fault na gumalaw sa malakas na lindol na yumanig sa siyudad, na ikinasawi nang halos 10 katao. Wala pa namang naiulat na pinsala sa sunud-sunod na mga pagyanig.
Magnitude 4.6 na lindol, tumama sa Davao City; 2 sugatan

Magnitude 4.6 na lindol, tumama sa Davao City; 2 sugatan

Provincial
Sugatan ang dalawa katao matapos mabagsakan ng gumuhong pader samantalang naghihintay sa waiting shed sa Quirino Street sa Davao City. Ito ay matapos tumama ang magnitude 4.6 na lindol sa Davao del Sur, kaninang alas-9:50 ng umaga. Naitala ang lindol sa siyam na kilometro Hilaga ng Davao City. Ayon sa Philippine Institute of Volcanology and Seismology (PHIVOLCS), tectonic ang origin ng lindol at may lalim na 15 kilometro. Naramdaman ang intensity 4 sa Davao City samantalang intensity 1 sa Kidapawan City.
Compostela Valley, niyanig ng magnitude 4.2 na lindol

Compostela Valley, niyanig ng magnitude 4.2 na lindol

Provincial
Niyanig ng magnitude 4.2 na lindol ang Compostela Valley. Naitala ang lindol sa siyam na kilometro Hilaga ng Montevista, kaninang alas-9:50 ng umaga. Ayon sa Philippine Institute of Volcanology and Seismology (PHIVOLCS), tectonic ang origin ng lindol at may lalim na 62 kilometro. Wala namang naitalang pinsala o inaasahang aftershocks matapos ang lindol.
34,000, posibleng mamatay kapag tumama ang ‘The Big One’ sa Metro Manila ayon sa PHIVOLCS

34,000, posibleng mamatay kapag tumama ang ‘The Big One’ sa Metro Manila ayon sa PHIVOLCS

Metro News
Nagbabala ang Philippine Institute of Volcanology and Seismology (PHIVOLCS) sa mga residente ng Metro Manila sa posibleng pagtama ng “The Big One” o mahigit sa magnitude 7 na lindol. Ayon sa PHIVOLCS, mahigit sa 34,000 katao ang posibleng mamatay sa pagtama ng malakas na lindol sa National Capital Region (NCR). Sinabi ni PHIVOLCS Director Renato Solidum na karamihan daw kasi sa mga gusali sa Metro Manila ay gawa lamang ng mga karpintero at mason at hindi dumaan sa mga ekspertong inhinyero. Inihayag din ng PHIVOLCS na 48,000 naman daw ang posibleng masawi sa mga karatig na lalawigan kabilang na ang Rizal, Bulacan, Cavite, Laguna at Pampanga na dinadaanan ng fault system. Dagdag pa ni Solidum, maaari sana itong maiwasan kung sinunod lang ang building code bago itayo ang isang...
Surigao City, niyanig ng magnitude 3.8 na lindol

Surigao City, niyanig ng magnitude 3.8 na lindol

Provincial
Niyanig ng magnitude 3.8 na lindol ang Surigao City. Naitala ang lindol sa 37 kilometro Hilaga ng Surigao City, alas-8:16 ng umaga. Ayon sa Philippine Institute of Volcanology And Seismology (PHIVOLCS), tectonic ang origin ng lindol at may lalim na 104 na kilometro. Wala namang naitalang pinsala o inaasahang aftershocks matapos ang lindol.
Naitalang aftershocks sa Surigao del Norte, umabot na sa halos 200

Naitalang aftershocks sa Surigao del Norte, umabot na sa halos 200

Provincial
Umabot na sa halos 200 ang naitalang aftershocks sa Surigao del Norte matapos ang pagtama ng magnitude 6.7 na lindol noong isang linggo. Sa tala ng Philippine Institute of Volcanology and Seismology (PHIVOLCS), nasa kabuuang 181 aftershocks na ang naitala sa pagitan ng magnitude 2.0 hanggang 4.9. Pinayuhan naman ng PHIVOLCS ang evacuees na tiyaking ligtas ang bahay bago umuwi dahil mararamdaman pa rin ang aftershocks sa susunod na mga araw.
Nasugbu, Batangas, niyanig ng magnitude 3.7 na lindol

Nasugbu, Batangas, niyanig ng magnitude 3.7 na lindol

Provincial
Niyanig ng magnitude 3.7 na lindol ang Nasugbu, Batangas. Naitala ang lindol sa 25 kilometro Timog ng Nasugbu, kaninang alas-4:54 ng umaga. Ayon sa Philippine Institute of Volcanology and Seismology (PHIVOLCS), tectonic ang origin ng lindol at may lalim na 92 kilometro. Unang naitala ng PHIVOLCS ang magnitude 3.8 na lindol pero ibinaba makaraan ang ilang minuto. Wala namang naitalang pinsala o inaasahang aftershocks matapos ang lindol.