nilindol – DZAR 1026
DZAR 1026 (Ka-Partner mo sa Balita at Serbisyo!)

Tag: nilindol

Cebu nilindol kaninang madaling-araw

Cebu nilindol kaninang madaling-araw

Provincial
Niyanig ng magkasunod na lindol ang Cebu kaninang madaling-araw. Sa datos ng Philippine Institute of Volcanology and Seismology (PHIVOLCS), unang naitala ang magnitude 3.4 na lindol sa Asturias, Cebu na may lalim na limang kilometro bandang alas-3:41. Makalipas ang ilang minuto, sunod namang naramdaman ang magnitude 4.8 na lindol sa Balamban, Cebu na may lalim na dalawampu’t limang kilometro. Naramdaman ang intensity 3 sa Cebu City samantalang intensity 2 naman sa Lapu-Lapu City at Mandaue City. Pawang tectonic ang origin ng magkasunod na lindol. Wala namang naiulat na napinsala o nasaktan dahil sa magkasunod na pagyanig.
Japan at New Zealand, nilindol

Japan at New Zealand, nilindol

International News
Niyanig ng magnitude 7.4 na lindol ang Fukushima Prefecture sa Japan. Ang Fukushima ay ang lugar kung saan naroroon ang Nuclear Power Plant na nasira sa mapaminsalang lindol noong taong 2011. Nagkaroon din ng mga Tsunami Waves na umabot sa 1.4 metro makaraan ang lindol. Pero makaraan ang ilang oras ay ibinaba na rin ng Japan Meteorological Agency ang mga tsunami warning. Pinag-iingat pa rin ang mga residenteng nakatira sa mabababang lugar. Samantala, niyanig naman ng magnitude 5.6 na lindol ang Northern Island Sa New Zealand. Nagkaroon din ng tsunami. Wala namang naitalang nasawi sa naturang lindol.