Myanmar – DZAR 1026
DZAR 1026 (Ka-Partner mo sa Balita at Serbisyo!)

Tag: Myanmar

Alejano tinawag ni Duterte na ‘mayabang’ at ‘duwag’

Alejano tinawag ni Duterte na ‘mayabang’ at ‘duwag’

National News
“Mayabang kayo, mga duwag.” Ito ang itinawag ni Pangulong Rodrigo Duterte kay Magdalo Representative Gary Alejano. Ginawa ng pangulo ang pahayag sa harap ng Filipino community sa bansang Myanmar. Reaksiyon ito ni Duterte sa balak ni Alejano na maghain ng supplemental complaint kaugnay ng isyu sa Benham Rise. Bukod pa rito ang nauna nang paghahain ni Alejano ng impeachment complaint laban kay Duterte sa Kamara. Ayon sa pangulo, walang karapatang magsalita ng katapangan ang grupo ni Alejano dahil puro kahihiyan lamang umano ang ginawa ng grupo nito noong magsagawa ng mutiny sa Oakwood Hotel sa Makati. Dagdag pa ni Duterte, dapat kay Alejano ay ipadala bilang unang batch ng mga Pilipinong gustong angkinin ang Spratly Islands at makipaglaban sa China.
Same sex marriage ng EU pinagdiskitahan ni Duterte

Same sex marriage ng EU pinagdiskitahan ni Duterte

National News
Binatikos ni Pangulong Rodrigo Duterte ang same sex marriage ng European Union (EU). Ginawa ito ng pangulo sa kanyang mensahe sa harap ng Filipino community sa Nay Pyi Taw, Myanmar. Reaksiyon ito ni Duterte matapos kontrahin ng EU ang kampanya kontra- droga ng pangulo at ang hirit na palayain si Senadora Leila De Lima. Nakapagbitaw pa ng di-magandang salita ang pangulo tungkol sa kultura ng EU na hindi raw uubra sa mga Pilipino. Ang tinutukoy ng pangulo ay ang same sex marriage sa Western countries, kung saan ay hindi raw mahalaga kung parehong babae o lalaki ang nagiging mag-asawa. Giit ng pangulo, na maliban sa pagiging Katoliko, may umiiral na civil code sa Pilipinas na nagsasabing babae at lalaki lamang ang magkaparehang maaaring ikasal. Magugunitang nagbanta ang ...
Robredo walang balak agawin ang pagkapangulo kay Duterte

Robredo walang balak agawin ang pagkapangulo kay Duterte

National News
Itinanggi ng tagapagsalita ni Vice President Leni Robredo ang pahayag ni Pangulong Rodrigo Duterte na apurado siyang maging pangulo. Ayon kay Georgina Hernandez, tagapagsalita ni Robredo, ang bise presidente na ang mismong nagsasabi na wala sa kanyang plano at hindi kailanman gagawin na agawin ang pagiging pangulo. Sa talumpati sa Filipino community sa Myanmar, sinabi ni Duterte na gusto ni Robredo ang kanyang puwesto. Apurado masyado umano si Robredo na maging pangulo. Itinanggi naman ni Robredo na kasama sa planong pagpapaalis kay Duterte ang nasabing video message. Bago mai-post sa YouTube ang nasabing video, sinabi ni Duterte na hindi kasama si Robredo sa umano’y destabilization plot laban sa kanya.
Duterte bukas na ayusin ang relasyon ng Pilipinas sa Amerika sa ilalim ng Trump Administration

Duterte bukas na ayusin ang relasyon ng Pilipinas sa Amerika sa ilalim ng Trump Administration

National News
Bukas umano si Pangulong Rodrigo Duterte na makipagmabutihan sa administrasyon ni United States President Donald Trump. Sa kanyang talumpati sa harap ng Filipino community sa Myanmar, sinabi ni Duterte na handa siyang ibigay ang lahat ng anuman sa Trump Administration. Pero maliban na lang aniya sa military alliance dahil hindi kakayanin ng Pilipinas. Nabatid na ang maayos na pakikitungo ni Duterte kay Trump ay malayo sa naging pakikitungo nito noon kay dating US President Barack Obama.
Robredo, apurado nang maging pangulo — Duterte

Robredo, apurado nang maging pangulo — Duterte

National News
Inakusahan ni Pangulong Rodrigo Duterte si Vice President Leni Robredo na apurado umanong makuha ang pagkapangulo. Ginawa ni Duterte ang pahayag sa harap ng Filipino community sa Myanmar kagabi. Magugunitang noon lamang nakaraang linggo ay sinabi ni Duterte na hindi kasali si Robredo sa may pakana ng destabilization plot laban sa kanya. Tila naman nag-iba ang ihip ng hangin matapos na batikusin ni Robredo sa pamamagitan ng video message ang war on drugs ng pamahalaan. Sinabi pa ng pangulo na hindi na siya magtataka kung may kinalaman si Robredo sa impeachment case na inihain laban sa kanya.
Myanmar, Thailand bibisitahin ni Duterte

Myanmar, Thailand bibisitahin ni Duterte

National News
Nakatakdang bisitahin ni Pangulong Rodrigo Duterte sa susunod na linggo ang mga bansang Myanmar at Thailand bilang bahagi ng introductory visits sa mga bansang nasa Southeast Asia. Ayon kay Department of Foreign Affairs (DFA) Spokesman Charles Jose, unang bibisitahin ng pangulo sa Marso 19 at 20 ang Myanmar alinsunod sa naging imbitasyon ni Myanmar President U Htin Kyaw (U-Tin-Jo). Inaasahang magkakaroon ang pangulo ng bilateral talks sa lider ng Myanmar at susundan ng state banquet at ilang serye ng meetings sa iba pang high level officials ng nasabing bansa gaya ni state counsellor at Foreign Minister Aung San Suu Kyi. Inaasahan ding haharap ang pangulo sa Filipino community roon. Matapos nito, sunod namang bibisitahin ng pangulo mula Marso 20 hanggang Marso 22 ang Thaila...
Pagpapaigting ng people-centered at people-oriented, tinalakay sa nagpapatuloy na ASEAN meeting

Pagpapaigting ng people-centered at people-oriented, tinalakay sa nagpapatuloy na ASEAN meeting

National News
Nakapokus ngayon sa pagpapaigting ng people-centered at people-oriented ang Association of Southeast Asian Nations (ASEAN) meeting na ginaganap ngayon sa Iloilo City. Sinabi ni Senior Officials Committee for the ASCC (SOCA) Undersecretary Florita Villar, na dalawa sa anim na prayoridad ng ASEAN 2017 Summit, ang tatalakayin sa nasabing pagtitipon. Sa ilalim ng people-oriented ASEAN, isusulong ang proteksiyon sa karapatan ng migrant workers; pangangalaga sa karapatan ng mga kababaihan, kabataan, persons with disabilities (PWDs), matatanda at internally displaced at indigenous people. Tatalakayin din kung papaano mapangangalagaan ang kultura ng mga bansang kasapi ng ASEAN. Pag-uusapan din kung papaano matutugunan ang mataas na bilang ng malnutrisyon sa rehiyon at pagpapalawak ...
25 katao, patay sa operasyon ng Myanmar Army

25 katao, patay sa operasyon ng Myanmar Army

International News
Dalawampu’t limang katao ang patay sa pamamaril sa Myanmar matapos sumalakay sa mga village ng Rohingya Muslims ang Myanmar Army. Ayon sa army, armado ng machete at wooden clubs ang mga pinatay na Rohingya Muslim. Ang pagsalakay sa lugar ay bahagi ng “clearance operations” laban sa mga armadong militante. Daan-daan na rin ang lumikas dahil sa natruang mga operasyon. Ang mga Rohingya Muslim ay hindi kinikilala bilang mamamayan ng Myanmar.

Estados Unidos, naglabas ng travel advisory sa Pilipinas at sampu pang bansa dahil sa banta ng Zika Virus

National News
Nagpalabas ng travel advisory ang Estados Unidos para sa mga buntis laban sa labing isang bansa kabilang na ang Pilipinas. Ayon sa Centers for Disease Control o CDC, bunsod ito ng banta ng Zika Virus at  posible umanong hindi pa immune rito ang mga U.S travelers. Kabilang sa bansa na may travel advisory ay ang Pilipinas, Vietnam Brunei, Myanmar, Cambodia, Indonesia, Laos, Malaysia, Maldives, Thailand at Timor-Leste. Ang Zika Virus ay nakukuha sa kagat ng lamok.