LP – DZAR 1026
DZAR 1026 (Ka-Partner mo sa Balita at Serbisyo!)

Tag: LP

LP, di pupunuan ang mga nabakanteng posisyon sa Kamara

LP, di pupunuan ang mga nabakanteng posisyon sa Kamara

National News
Walang plano ang Liberal Party (LP) na punuan ang mga nabakanteng posisyon ng House leaders sa Kamara. Ito ay matapos bawian ng puwesto ng liderato ng Kamara ang LP congressmen na tumutol sa Death Penalty Bill. Sinabi ni House Deputy Speaker Miro Quimbo na kailangan nilang protektahan ang mga miyembro ng kanilang partido na bumotong di-pabor sa kontrobersiyal na panukala. Giit ng kongresista, hindi nila maaaring punuan ang mga nabakanteng posisyon sapagkat mistulang parusa lamang daw ang labas niyon. Ayon kay Quimbo, dapat lamang nilang panindigan ang kanilang mga prinsipyo. Aniya, nasa mayorya na ang desisyon kung sino ang itatalaga nila sa mga nabakanteng posisyon.
P-Noy itinangging may kinalaman ang LP sa impeachment at destabilization laban kay Duterte

P-Noy itinangging may kinalaman ang LP sa impeachment at destabilization laban kay Duterte

National News
Itinanggi ni dating Pangulong Noynoy Aquino na may kinalaman ang Liberal Party (LP) sa planong pag-impeach kay Pangulong Rodrigo Duterte at sa umano’y destabilisasyon. Sa katunayan, ayon kay Aquino, sa simula pa lamang ay nais na nilang makatulong sa kasalukuyang administrasyon. Umaasa naman ang dating pangulo na hindi magiging ‘number game’ ang planong paghahain ng impeachment complaint laban kay Vice President Leni Robredo. Sinabi rin ni Aquino na hindi maaani ang mga ipinunla ng nakaraang administrasyon kung puro na lamang away at alitan ang mangyayari ngayon sa bansa.
Lagman sinita si Quimbo sa pahayag na di-susuportahan ng LP ang impeachment laban kay Duterte

Lagman sinita si Quimbo sa pahayag na di-susuportahan ng LP ang impeachment laban kay Duterte

National News
Sinita ni Albay Representative Edcel Lagman ang kapartidong si Deputy Speaker Miro Quimbo sa pahayag nito na hindi susuportahan ng Liberal Party (LP) ang impeachment complaint laban kay Pangulong Rodrigo Duterte. Ayon kay Lagman, hindi kinonsulta ni Quimbo ang mga miyembro ng LP bago nito ginawa ang naturang pahayag. Ni wala pa nga aniyang ipinatatawag na pulong ang liderato ng LP para pag-usapan ang impeachment complaint laban sa pangulo. Kinontra rin ni Lagman ang pahayag ni Quimbo na iresponsable at hindi napapanahon ang reklamong inihain laban sa pangulo. Ani Lagman, ‘sufficient in form and in substance’ ang inihaing impeachment complaint laban kay Duterte.
LP members sa Kamara hindi susuportahan ang impeachment laban sa pangulo

LP members sa Kamara hindi susuportahan ang impeachment laban sa pangulo

National News
Hindi susuportahan ng mga miyembro ng Liberal Party (LP) sa Kamara ang impeachment complaint laban kay Pangulong Rodrigo Duterte. Ayon kay deputy speaker at Marikina Representative Miro Quimbo, hindi ‘wise’ at ‘healthy’ para sa demokrasya ang impeachment, lalo’t kailan lamang nangyari ang eleksiyon. Naniwala rin ang highest ranking LP congressman na hindi magtatagumpay ang nasabing impeachment dahil sa laki ng suporta ng publiko kay Duterte at dahil din sa dami ng supporters nito sa Kamara. Itinuturo ng mga kaalyado ng pangulo ang LP na nasa likod umano ng nasabing impeachment at umano’y destabilization plot laban sa pangulo.
Robredo, walang kinalaman sa impeachment complaint laban kay Duterte — Alejano

Robredo, walang kinalaman sa impeachment complaint laban kay Duterte — Alejano

National News
Nilinaw ni Magdalo Rep. Gary Alejano na walang kinalaman si Vice President Leni Robredo sa paghahain niya ng impeachment complaint laban kay Pangulong Rodrigo Duterte. Iginiit din ng kongresista na wala ring partisipasyon ang Liberal Party (LP) sa kanyang naging hakbang at hindi rin daw siya binayaran para gawin ito. Ito ang pahayag ni Alejano makaraang sabihin ni House Speaker Pantaleon Alvarez na si Robredo raw ang nasa likod ng impeachment complaint laban kay Pangulong Duterte. Ayon kay Alejano, ‘political exercise’ lamang ang paghahain niya ng complaint para panagutin si Pangulong Duterte sa extra judicial killings (EJKs) sa bansa. Ginawa naman daw niyang basehan sa reklamong graft and corruption ang pagkuha ni Duterte ng serbisyo ng ‘11,000 ghost employees’ noo...
LP senators ipinagtanggol si Robredo

LP senators ipinagtanggol si Robredo

National News
Ipinagtanggol ng mga senador mula sa Liberal Party (LP) si Vice President Leni Robredo sa kontrobersiyal na video message nito sa United Nations (UN) na kumukondena sa extrajudicial killings (EJKs). Ayon sa mga senador, prerogative ni Robredo ang nasabing video message bilang halal na opisyal. Hinimok ng mga senador si Senate President Koko Pimentel na magpokus sa isyu ng mga ‘di pa nareresolbang kaso ng pagpatay, pagtaas ng presyo ng mga bilihin at ang isyu sa Benham Rise.
Pimentel pinayuhang maghinay-hinay sa mga pahayag sa impeachment case laban kay Robredo

Pimentel pinayuhang maghinay-hinay sa mga pahayag sa impeachment case laban kay Robredo

National News
Pinayuhan ni Liberal Party (LP) Interim President Senador Kiko Pangilinan si Senate President Koko Pimentel na magdahan-dahan sa mga pananalita nito. Ginawa ito ni Pangilinan matapos ihayag ni Pimentel na may malaking tiyansa ang impeachment case laban kay Vice President Leni Robredo. Ayon kay Pangilinan, hindi lang dapat nakabase sa bilang ng kaalyado ang konsiderasyon sa mga ganitong isyu at sa halip ay tingnan ang basehan at bigat ng anumang reklamo. Para naman sa ibang mambabatas, mas mainam na iwasan ng mga opisyal ng Senado na magsalita ukol sa impeachment, dahil aakto ang mga ito bilang senator judges kapag nakalusot ang reklamo sa Lower House.
Lacson umapela kay Robredo na itama ang iniulat sa UN tungkol sa EJKs

Lacson umapela kay Robredo na itama ang iniulat sa UN tungkol sa EJKs

National News
Ipinatatama ni Senador Panfilo Lacson kay Vice President Leni Robredo ang ulat nito sa United Nations Commission on Narcotics Drugs tungkol sa bilang ng umano’y extrajudicial killings (EJKs) sa bansa. Sa social media, pinuna ni Lacson ang iniulat ni Robredo sa UN na nasa pitong libo ang naging biktima ng summary execution. Ayon kay Lacson, hindi man lang isinama ni Robredo sa nasabing report ang tatlumpu’t walong casualties sa panig ng pamahalaan. Wala naman umanong ibang agenda si Lacson maliban sa fairness batay sa facts na para na rin aniya sa 39 na PNP at Armed Forces of the Philippines (AFP) personnel na nasawi sa kasagsagan ng anti-drug operations at ng nasa mahigit walumpu’t anim na nasugatan samantalang nasa serbisyo. Naniniwala naman ang senador na maaaring g...
Reklamo vs Duterte, umani ng magkakaibang reaksiyon sa Senado

Reklamo vs Duterte, umani ng magkakaibang reaksiyon sa Senado

National News
Umani ng magkakaibang reaksiyon mula sa mga senador ang inihaing impeachment complaint laban kay Pangulong Rodrigo Duterte. Sa statement ng isa sa mga kritiko ni Duterte na si Senador Antonio Trillanes, ipinunto niyang ang impeachment complaint na lang ang tanging paraan para masagot ng pangulo ang mga ibinabatong akusasyon dito. Para naman kay Senador JV Ejercito, walang sapat na batayan para sa paghahain ng impeachment complaint. Isang simpleng good luck naman ang pahayag ni Senador Ping Lacson sa Magdalo Party-list na hindi rin naman aniya dapat na punahin sa ginawang hakbang. Paggalang naman sa karapatan ng Magdalo Party-list ang ipinunto ng Liberal Party (LP) senators na sina Kiko Pangilinan at Risa Hontiveros. Samantala, tikom naman ang bibig ni Senador Tito Sotto ...
LP, titiyaking hindi maipapasa ang death penalty sa Senado

LP, titiyaking hindi maipapasa ang death penalty sa Senado

National News
Nangako ang Liberal Party (LP) na tututulan nila ang pagpasa ng death penalty sa Senado. Sa isang pahayag, sinabi ni LP President Senador Kiko Pangilinan na ikinalulungkot nila na inaprubahan ng mga miyembro ng Kamara ang naturang panukala nang walang ginawang debate. Naninindigan naman aniya ang LP na marahas at hindi makatao ang capital punishment. Nangako si Pangilinan na pipigilan ng LP senators na maipasa sa Senado ang death penalty.