KADAMAY – DZAR 1026
DZAR 1026 (Ka-Partner mo sa Balita at Serbisyo!)

Tag: KADAMAY

DSWD hindi kinukunsinti ang Kadamay na nag-okupa sa mga pabahay sa Bulacan

DSWD hindi kinukunsinti ang Kadamay na nag-okupa sa mga pabahay sa Bulacan

National News
Nilinaw ni Department of Social Welfare and Development (DSWD) Secretary Judy Taguiwalo na hindi niya kinukunsinti ang grupong Kadamay na nag-okupa sa mga pabahay ng gobyerno sa Bulacan. Ginawa ng kalihim ang pahayag makaraang batikusin ang pamamahagi ng DSWD ng tulong sa mga miyembro ng Kadamay. Ayon kay Taguiwalo, mandato nila na magbigay nang agarang tulong sa mga pamilyang nasa krisis. Aniya, malasakit at tulong muna ang dapat unahin lalo’t may mga bata, buntis at matatandang nagugutom sa lugar. Ipinauubaya naman aniya ng DSWD sa National Housing Authority (NHA) ang usapin kung iligal o hindi ang ginawa ng grupong Kadamay sa mga pabahay sa Bulacan.
Pabahay sa Rizal tinangkang okupahan ng Kadamay

Pabahay sa Rizal tinangkang okupahan ng Kadamay

National News
Tinangka ring okupahan ng mga miyembro ng Kadamay ang housing project ng Armed Forces of the Philippines-Philippine National Police (AFP-PNP) sa Barangay San Rafael, Montalban sa Rizal. Ayon kay Superintendent Hector Grijal, chief of police ng Montalban PNP, kaninang pasado alas-tres ng madaling araw nang dumating at magbarikada ang mga miyembro ng Kadamay sa La Soledaridad housing projects. Pero agad namang nakaresponde ang Montalban Police kasama ang augmentation force mula sa Pililla, Rizal. Ayon naman sa isa sa opisyal ng developer ng subdibisyon ay napahupa ang tensiyon matapos ang pakikipagnegosasyon sa mga lider ng Kadamay. Kusa na ring nag-disperse ang grupo.
Kadamay di-aalis sa inokupahang mga pabahay sa Pandi

Kadamay di-aalis sa inokupahang mga pabahay sa Pandi

Provincial
Nagmatigas pa rin ang grupong Kadamay at nanindigang hindi aalis sa inookupahang pabahay sa Bulacan. Tumanggi ang mga miyembro ng grupo na umalis sa Pandi-Atlantica na isa pang housing project ng National Housing Authority (NHA). Ito ay sa kabila ng eviction notice na nakaambang ilabas ngayong araw. Noong nakaraang linggo ay nagtangka rin ang Kadamay na okupahan ang isa pang pabahay ng gobyerno sa Bocaue, Bulacan.
Mga pabahay sa Bocaue, Bulacan bantay-sarado vs Kadamay

Mga pabahay sa Bocaue, Bulacan bantay-sarado vs Kadamay

National News
Sumiklab ang tensiyon sa pabahay ng pamahalaan sa Bocaue Hills, Bocaue, Bulacan. Nagtangkang pumasok sa lugar ang mga miyembro ng grupong Kalipunan ng Damayang Mahihirap (Kadamay) na una nang umokupa sa ilan ding pabahay ng gobyerno sa Pandi, Bulacan. Dahil dito, bantay-sarado ng pulisya ang lugar at hindi basta-basta pinapapasok ang mga hindi residente. Nanindigan naman ang mga residente na hindi papapasukin ang mga miyembro ng Kadamay. Iginiit ng mga ito na may mga may-ari na ng mga bakanteng bahay na nais okupahan ng grupo. Giit naman ng grupo, dapat mapakinabangan ng mahihirap ang mga bakanteng bahay sa Bocaue Hills. Hanggang ngayon ay inookupahan pa rin ng mga miyembro ng grupo ang mga bakanteng unit sa Pandi. Una nang tinawag ni Pangulong Rodrigo Duterte ang ...
Pag-okupa ng Kadamay sa mga pabahay sa Bulacan, pinaiimbestigahan

Pag-okupa ng Kadamay sa mga pabahay sa Bulacan, pinaiimbestigahan

Provincial
Nais paimbestigahan ni Negros Occidental Representative Alfredo Benitez ang pag-okupa ng grupong Kadamay sa housing project ng gobyerno sa Pandi, Bulacan. Sa Resolution No. 875 na inihain ni Benitez, hinikayat nito ang Kamara na alamin ang sinasabi ng National Housing Authority (NHA) na iligal na pag-okupa ng naturang grupo sa mga housing unit. Sa kanyang resolusyon, iginiit ni Benitez na pagkakataon ito ng Kamara na suriing mabuti ang kasalukuyang programang pabahay ng pamahalaan. Dapat din umanong bigyang-pansin kung bakit umabot sa pagiging desperado ang naturang grupo.