House Speaker Pantaleon Alvarez – DZAR 1026
DZAR 1026 (Ka-Partner mo sa Balita at Serbisyo!)

Tag: House Speaker Pantaleon Alvarez

Alvarez ‘di na maghahain ng impeachment complaint vs Robredo

Alvarez ‘di na maghahain ng impeachment complaint vs Robredo

National News
Hindi na si House Speaker Pantaleon Alvarez ang mismong maghahain ng impeachment complaint kay Vice President Leni Robredo. Sa panayam ng DZAR Sonshine Radio, ipinunto ni Alvarez na marami na ang gustong maghain ng impeachment complaint kay Robredo kaya’t hindi na kailangang siya pa mismo ang magsampa ng reklamo laban sa bise presidente. Una nang sinabi ni Alvarez na itutuloy niya ang nilulutong impeachment complaint kay Robredo sa kabila ng pagpapatigil sa kanya ni Pangulong Rodrigo Duterte. Nag-ugat sa ipinadalang video message ni Robredo sa United Nations (UN) ang plano ni Alvarez na ipa-impeach ang pangalawang pangulo.
Postponement ng barangay elections suportado ni Alvarez

Postponement ng barangay elections suportado ni Alvarez

National News
Suportado ni House Speaker Pantaleon Alvarez ang hirit ni Pangulong Rodrigo Duterte na ipagpaliban ang barangay elections. Ani Alvarez, napaka-valid ng rason ni Duterte na talamak na ang droga sa barangay level kaya’t dapat ipagpaliban ang eleksiyon. Dagdag pa ni Alvarez, mayorya ng mga opisyal ng barangay ay sangkot sa droga. Matatandaang sinabi ni Duterte na gusto niyang i-appoint na lamang ang mga opisyal ng barangay.
Duterte naghuhugas-kamay lang sa planong i-impeach si Robredo

Duterte naghuhugas-kamay lang sa planong i-impeach si Robredo

National News
Hindi kinagat ni Senador Antonio Trillanes IV ang pagrenda ni Pangulong Rodrigo Duterte sa kanyang mga kaalyado na nagbabalak na maghain ng impeachment complaint laban kay Vice President Leni Robredo. Ayon kay Trillanes, naghuhugas-kamay lamang si Duterte sa isyu. Sinabi pa ng senador na kung hindi naman susundin si Duterte ng kanyang mga alagad ay paniguradong niloloko lamang nito ang taumbayan. Una na rito, nanindigan si House Speaker Pantaleon Alvarez na hindi niya iaatras ang planong paghahain ng impeachment complaint laban kay Robredo sa kabila ng apela ni Duterte.
Alvarez nanindigan sa planong impeachment complaint kay Robredo

Alvarez nanindigan sa planong impeachment complaint kay Robredo

National News
Ayaw magpaawat ni House Speaker Pantaleon Alvarez sa nilulutong impeachment complaint laban kay Vice President Leni Robredo kahit pa sinabi na ni Pangulong Rodrigo Duterte na huwag na itong ituloy. Sa pahayag ni Alvarez, sinabi nitong bagama’t iginagalang niya ang pahayag ni Duterte ay Kamara pa rin ang may eksklusibong hurisdiksiyon para magproseso ng isang impeachment complaint alinsunod sa Konstitusyon. Aniya, masusi pa rin niyang pinag-aaralan ang magiging reklamo laban kay Robredo dahil hindi lang numero ang usapin, kundi dapat ay may mabigat din itong batayan. Tahasan ding tinawag ni Alvarez si Robredo na ‘makapal ang mukha.’ Paliwanag ni Alvarez, ito ang kauna-unahang pagkakataong may opisyal ng gobyerno na nagpadala ng video clip sa United Nations (UN) para si...
100 congressmen handang iendorso ang impeachment complaint laban kay Robredo

100 congressmen handang iendorso ang impeachment complaint laban kay Robredo

National News
Nakahanda umano ang nasa sandaang congressmen na iendorso ang impeachment complaint laban kay Vice President Leni Robredo. Ito ang pagmamalaking inihayag ng pangunahing complainant na si Atty. Oliver Lozano. Kumpiyansa rin si Lozano na ieendorso ito ni House Speaker Pantaleon Alvarez dahil ito naman daw ang unang nag-anunsiyo nito. Sinabi pa ni Lozano, na bukod kay Alvarez, may 100 kongresista pa raw na nakahandang mag-endorso sa kanyang ihahaing impeachment complaint laban sa bise presidente. Tiniyak pa ni Lozano na sa pagsapit ng buwan ng Mayo ay napatalsik na sa puwesto si Robredo na umano’y tinik lamang daw sa administrasyon.
Impeachment complaint vs Robredo, may merito — Lozano

Impeachment complaint vs Robredo, may merito — Lozano

National News
Itinanggi ni Attorney Oliver Lozano na dahil kay dating Senador Bongbong Marcos kung bakit naghain ang kanyang kampo ng impeachment complaint kay Vice President Leni Robredo. Para kay Lozano, walang ebidensiya si Robredo ng ‘palit-ulo’ scheme na kanyang binanggit sa video message sa United Nations (UN). Maituturing aniyang impeachable offense ang hindi pagsasabi nang totoo ni Robredo sa kampanya kontra-droga. Nanindigan si Lozano na may merito ang kanyang draft impeachment complaint laban kay Robredo na kanyang ipinarerekomenda kay House Speaker Pantaleon Alvarez. Una na ring nagsampa ng impeachment complaint si Lozano laban kina dating Pangulong Gloria Arroyo at Noynoy Aquino.
Robredo, walang kinalaman sa impeachment complaint laban kay Duterte — Alejano

Robredo, walang kinalaman sa impeachment complaint laban kay Duterte — Alejano

National News
Nilinaw ni Magdalo Rep. Gary Alejano na walang kinalaman si Vice President Leni Robredo sa paghahain niya ng impeachment complaint laban kay Pangulong Rodrigo Duterte. Iginiit din ng kongresista na wala ring partisipasyon ang Liberal Party (LP) sa kanyang naging hakbang at hindi rin daw siya binayaran para gawin ito. Ito ang pahayag ni Alejano makaraang sabihin ni House Speaker Pantaleon Alvarez na si Robredo raw ang nasa likod ng impeachment complaint laban kay Pangulong Duterte. Ayon kay Alejano, ‘political exercise’ lamang ang paghahain niya ng complaint para panagutin si Pangulong Duterte sa extra judicial killings (EJKs) sa bansa. Ginawa naman daw niyang basehan sa reklamong graft and corruption ang pagkuha ni Duterte ng serbisyo ng ‘11,000 ghost employees’ noo...
Planong impeachment complaint ni Alvarez kay Robredo isang uri ng ‘political harassment’

Planong impeachment complaint ni Alvarez kay Robredo isang uri ng ‘political harassment’

National News
Inilarawan ng kampo ni Vice President Leni Robredo bilang ‘political harassment’ ang planong paghahain ni House Speaker Pantaleon Alvarez ng impeachment complaint laban sa pangalawang pangulo. Ayon sa legal counsel ni Robredo na si Barry Gutierrez, nababahala sila na wala pa man ay may prejudgment na agad si Alvarez sa magiging hatol sa nasabing impeachment complaint. Aniya, sa unang pagkakataon ay ngayon lang din magkakaroon ng impeachment na mismong House speaker ang nanguna. Nag-ugat ang balak na impeachment laban kay Roberdo matapos nitong banatan ang giyera kontra-droga ng pamahalaan sa isang video message sa United Nations (UN) Commission on Narcotics Drugs.  
Moratorium sa impeachment complaints inirekomenda sa Kamara

Moratorium sa impeachment complaints inirekomenda sa Kamara

National News
Inirekomenda ni Ako Bicol Party-list Representative Rodel Batocabe na magtakda ang Kamara ng moratorium sa impeachment complaints. Ito ang pahayag ni Batocabe matapos na maghain ng impeachment complaint si Magdalo Representative Gary Alejano laban kay Pangulong Rodrigo Duterte at ang pagpapahayag ni House Speaker Pantaleon Alvarez sa paghahain din ng kaparehas na reklamo laban kay Vice President Leni Robredo. Sinabi ni Batocabe na marami pang mga usapin ang higit na kailangang pagtuunan ng pansin ng Kamara. Halimbawa na lamang aniya rito ay ang ‘contentious’ at ‘divisive’ na charter change. Dahil dito, binigyang-diin ni Batocabe ang kahalagahan ngayon ng pagtatakda ng moratorium sa impeachments sapagkat ‘gulo’ lamang aniya ang maidudulot nito. Giit pa ni Bato...
Bantang impeachment vs Robredo, walang basehan — Drilon

Bantang impeachment vs Robredo, walang basehan — Drilon

National News
Walang basehan ang paghahain ng impeachment complaint laban kay Vice President Leni Robredo. Ito ang iginiit ni Senador Franklin Drilon matapos ang naging pahayag ni House Speaker Pantaleon Alvarez na pinag-aaralan nito ang paghahain ng reklamo laban kay Robredo dahil sa ‘betrayal of public trust.’ Kasunod ito ng video message ni Robredo sa 60th United Nations Commission on Narcotic Drugs annual meeting sa Vienna, Austria kung saan ay iniulat ang higit pitong libo kataong namatay sa kampanya kontra-droga ng Administrasyong Duterte at ang ‘palit-ulo’ scheme ng Pambansang Kapulisan. Naniniwala si Alvarez na dahil sa mga naging pahayag ni Robredo ay nagkaroon nang hindi magandang imahe ang Pilipinas.