DZAR 1026 – DZAR 1026
DZAR 1026 (Ka-Partner mo sa Balita at Serbisyo!)

Tag: DZAR 1026

Kadamay rally sa NHA nagkakomosyon

Kadamay rally sa NHA nagkakomosyon

National News
Sinira at sinulatan ng mga miyembro ng grupong Kadamay ang signage ng National Housing Authority (NHA) sa punong tanggapan nito sa Elliptical Road, Quezon City. Isinisigaw ng mga ito sa mga opisyal ng NHA na harapin sila. Makailang beses na sinugod ng mga ito ang gate ng ahensiya at tinangkang makapasok. Nagkaroon din ng komosyon sa gitna ng rally matapos kumprontahin ng ilang nagpoprotesta ang isang lalaking pinaghihinalaang intelligence officer.
Imbakan ng shabu sa Naga City sinalakay

Imbakan ng shabu sa Naga City sinalakay

Provincial
Arestado ang apat na drug suspects sa isinagawang operasyon ng mga awtoridad sa hinihinalang imbakan ng shabu sa Peñafrancia, Naga City. Sa bisa ng search operation, sinalakay at hinalughog ng mga awtoridad ang mga bahay sa lugar na bagsakan umano ng droga. Nakatakas naman ang subject ng operasyon na kinilalang si John Michael. Nakuha sa mga suspek ang ilang sachets ng hinihinalang shabu, drug paraphernalia at bank book.
Sandara Park, ‘greatest rookie actress’ — Jeon

Sandara Park, ‘greatest rookie actress’ — Jeon

Showbiz
"Greatest rookie actress." Ganito inilarawan ng Korean director na si Jeon Jae Hong si Sandara Park matapos nitong idirek ang aktres sa pelikulang “One step.” Ito ang kauna-unahang leading role ni Sandara sa isang major film mula nang magsimula ang kanyang karera bilang K-pop star noong 2009 sa pamamagitan ng girl group na 2ne1. Ayon kay Jeon, mahusay ang ipinakikitang galing ni Sandara sa pag-arte kaya naniniwala ito na mas sisikat pa ang singer sa pag-acting. Inaasahan namang ipalalabas sa Philippine cinemas ang pelikula ni Sandara sa Mayo.
Disbarment complaint handang harapin ni Morales

Disbarment complaint handang harapin ni Morales

National News
Wine-welcome ni Ombudsman Conchita Carpio-Morales ang pagsasampa sa kanya ng disbarment complaint ni dating Manila Councilor Greco Belgica. Sa isang statement, sinabi ni Morales na aalamin pa niya ang grounds o batayan ng reklamo. Pero aniya, handa naman siyang harapin ang anumang klase ng reklamo kahit saan at kahit anong oras. Isang ‘wish them luck’ din ang sinabi ni Morales sa mga kritiko. May kalayaan naman aniya ang lahat na maghain ng reklamo at bahagi na rin ng kanyang trabaho ang makasuhan.
Shinzo Abe magre-resign kung mapatutunayang sangkot sa kurapsiyon

Shinzo Abe magre-resign kung mapatutunayang sangkot sa kurapsiyon

International News
Itinanggi ni Japanese Prime Minister Shinzo Abe na siya o ang kanyang asawa ay nagbigay ng donasyon sa principal ng isang nationalist school sa Japan. Ayon sa principal na si Yasunori Kagoike, nakatanggap siya ng isang milyong yen sa loob ng envelope mula sa asawa ni Abe na si Akie. Si Ginang Abe ay ginawang honorary principal ng eskuwelahan pero itinigil ito nang pumutok ang kontrobersiya. Sinasabi kasing nakialam ang mag-asawa sa lupang pinagtatayuan ng eskuwelahan at maging sa pagpapa-accredit nito. Nangako naman si Prime Minister Abe na magbibitiw siya sa puwesto kung mapatunayang may kinalaman sa mga ibinabatong akusasyon.
40 puntos pinakawalan ni Demar Derozan vs Heat

40 puntos pinakawalan ni Demar Derozan vs Heat

Sports
Apatnapung puntos ang pinakawalan ni Toronto Raptors star Demar Derozan para palamigin ang Miami Heat. Tinapos ng Raptors ang Heat sa iskor na 101-84. Kabuuang 27 puntos naman ang iniambag nina Norman Powell at Delon Wright. Labing-anim na puntos at 14 na rebounds naman ang naitala ni Hassan Whiteside para sa Miami. Hawak ng Raptors ang 43-29 record samantalang 35-37 naman sa Miami. Sunod na makahaharap ng Raptors ang Dallas Mavericks samantalang ang Boston Celtics naman ang makalalaban ng Miami Heat.
Alvarez ‘di na maghahain ng impeachment complaint vs Robredo

Alvarez ‘di na maghahain ng impeachment complaint vs Robredo

National News
Hindi na si House Speaker Pantaleon Alvarez ang mismong maghahain ng impeachment complaint kay Vice President Leni Robredo. Sa panayam ng DZAR Sonshine Radio, ipinunto ni Alvarez na marami na ang gustong maghain ng impeachment complaint kay Robredo kaya’t hindi na kailangang siya pa mismo ang magsampa ng reklamo laban sa bise presidente. Una nang sinabi ni Alvarez na itutuloy niya ang nilulutong impeachment complaint kay Robredo sa kabila ng pagpapatigil sa kanya ni Pangulong Rodrigo Duterte. Nag-ugat sa ipinadalang video message ni Robredo sa United Nations (UN) ang plano ni Alvarez na ipa-impeach ang pangalawang pangulo.
Asawa ni Mayor Loot pinakakasuhan ng Ombudsman

Asawa ni Mayor Loot pinakakasuhan ng Ombudsman

National News
Pinakakasuhan ng Ombudsman si dating Daanbantayan, Cebu Mayor Ma. Luisa Loot ng kasong graft at malversation. Kaugnay ito ng lagpas kalahating milyong pisong loan sa mga nag-aalaga ng pugo noong 2007. Nakitaan ng Ombudsman ng probable cause ang pagsasampa ng kaso kay Loot dahil sa kabiguan nitong i-monitor ang loan na hanggang ngayon ay hindi pa rin nababayaran. Si Ginang Loot ang asawa ng ngayo’y Daanbantayan, Cebu Mayor Vicente Loot na isinangkot noon ni Pangulong Rodrigo Duterte bilang isa sa narco-generals.
‘Highest happiness rating,’ naitala noong Disyembre 2016 — SWS

‘Highest happiness rating,’ naitala noong Disyembre 2016 — SWS

National News
Naitala ang pinakamataas na bilang ng mga Pilipinong nagsasabing masaya sila sa kanilang buhay sa loob ng dalawang dekada. Sa survey ng Social Weather Stations (SWS), nasa 91 porsiyento ng mga Pinoy ang nagsabing masaya sila sa kanilang buhay noong Disyembre 2016. Samantalang pitong porsiyento lang ang nagsabing hindi sila gaanong masaya at dalawang porsiyento ang nagsabing sila’y malungkot. Ayon sa SWS, ito na ang pinakamataas na ‘happiness rating’ sa mga Pinoy simula noong 1991. Walumpu’t pitong porsiyento naman ang nagsabing kuntento sila sa kanilang buhay.
Barangay elections, dapat ipagpaliban hanggang 2019 — Brillantes

Barangay elections, dapat ipagpaliban hanggang 2019 — Brillantes

National News
Kongreso ang dapat himukin ni Pangulong Rodrigo Duterte sa hirit nitong ipagpaliban ang barangay elections ngayong taon. Ito ang ipinunto ni dating Commission on Elections (COMELEC) Chairman Sixto Brillantes. Sa panayam ng DZAR Sonshine Radio, sinabi ni Brillantes na kung siya ang tatanungin ay dapat na ipagliban din ang barangay elections hanggang sa 2019 mid-term elections. Panukala ni Brillantes, kung ipagpapaliban ang eleksiyon sa 2019 ay idiretso na ito hanggang Oktubre 2022. Pabor naman si brillantes na ibigay muna kay Duterte ang kapangyarihang magtalaga ng barangay officials alinsunod na rin sa bubuuing batas ng Kongreso.