Department of Transportation – DZAR 1026
DZAR 1026 (Ka-Partner mo sa Balita at Serbisyo!)

Tag: Department of Transportation

48 bagong bagon ng MRT-3, hindi pa magagamit

48 bagong bagon ng MRT-3, hindi pa magagamit

Metro News
Hindi pa magagamit ang 48 bagong bagon ng MRT-3 sa loob ng isa’t kalahating taon. Ayon kay Department of Transportation (DOTr) Undersecretary for the Rail Sector Cesar Chavez, kailangan munang maresolba ang ilang isyu bago magamit ang mga bagon. Isa aniya sa mga ito ay ang kakulangan sa sapat na suplay ng kuryente ng MRT-3 para mapatakbo ang apatnapu’t walong bagon. Hindi pa rin umano tapos ang pagsasaayos ng mga riles at ang signaling system para sa mga bagong tren.   Ang mga bagong bagon ay bahagi ng P3.8 bilyong kontrata sa Chinese companies na Dalian Locomotive Corp. at Rolling Stock Co. noon pang 2014.
OFWs exempted na sa terminal fee

OFWs exempted na sa terminal fee

National News
Pinirmahan ng Department of Transportation (DOTr) at iba’t ibang airline companies ang memorandum of agreement (MOA) na nagbibigay ng exemption sa overseas Filipino workers (OFWs) sa terminal fee. Nakasaad sa MOA na dapat ay ilagay ng lahat ng airlines ang international passenger service charge (IPSC) sa OFWs sa Abril 30. Ibig sabihin, hindi na magbabayad ng P550 halaga ng IPSC ang OFWs sa kanilang international flight. Mare-refund ng OFWs ang kanilang terminal fee sa refund counters hanggang Abril 29, 2018. Bukod sa OFWs, exempted din sa terminal fee ang pilgrims at Philippine Sports Commission (PSC) athletes.
MRT, nakaranas ng aberya sa Cubao Station

MRT, nakaranas ng aberya sa Cubao Station

Metro News
Muling nakaranas ng aberya ang operasyon ng Metro Rail Transit-3 ngayong umaga. Sa abiso ng Department of Transportation (DOTr), alas-9:17 ng umaga nang pinababa ang mga pasahero sa Cubao Station Southbound dahil sa problemang teknikal. Agad namang naibalik sa normal ang operasyon ng MRT makaraan ang ilang minuto.
LTFRB, maglalabas ng guidelines sa planong modernisasyon sa mga pampublikong sasakyan

LTFRB, maglalabas ng guidelines sa planong modernisasyon sa mga pampublikong sasakyan

National News
Nakatakdang maglabas ng guidelines ang Department Of Transportation (DOTr) at ang Land Transportation Franchising and Regulatory Board (LTFRB) para sa kanilang planong modernisasyon ng mga pampublikong sasakyan. Sa ilalim ng planong modernisasyon, gusto ng DOTr at LTFRB na gawing suwelduhan na lang ang mga tsuper at may karampatang benepisyo rin ang mga ito katulad ng sa isang empleyado. Ibig sabihin, hindi na kailangang magmaneho nang higit walong oras ang mga tsuper. Hindi na rin kailangan ng mga ito na makipag-agawan o mag-unahan sa pasahero. Sakop ng modernisasyon ang lahat ng pampublikong sasakyan kabilang ang mga bus at UV Express. Hihingian din ng LTFRB ng transport plans ang mga lokal na pamahalaan para malaman kung gaano karami ang kailangang mga PUV sa kanilang...
MRT, maagang nakaranas ng aberya ngayong umaga

MRT, maagang nakaranas ng aberya ngayong umaga

Metro News
Maagang nakaranas ng aberya ang tren ng Metro Rail Transit (MRT) ngayong umaga. Sa abiso ng Department of Transportation (DOTr), alas-5:16 ng umaga naantala ang pagpasok ng tren sa North Avenue Station Southbound dahil sa problemang teknikal. Agad namang naibalik sa normal ang operasyon ng tren makaraan ang dalawampu’t limang minuto o alas-5:41 ng umaga.
Mga kongresista at opisyal ng LRMC, nag-inspeksiyon sa MRT-LRT common station

Mga kongresista at opisyal ng LRMC, nag-inspeksiyon sa MRT-LRT common station

Metro News
Ininspeksiyon ng mga miyembro ng House Committee on Transportation ang lugar kung saan itatayo ang pansamantalang LRT-MRT common station sa harap ng SM North Edsa at ang panukalang common station sa pagitan ng SM North at TrinoMa Mall. Kasama ng mga kongresista ang mga opisyal ng Light Rail Manila Corporation (LRMC) na namamahala sa operasyon at pagmimintina ng LRT. Ayon kay Transportation Committee Chairman Congressman Cesar Sarmiento,  irerekomenda niya ang pag-apruba sa panukalang temporary common station sa Department of Transportation (DOTr).
MRT, maagang nagkaaberya; limitadong biyahe, ipinatupad

MRT, maagang nagkaaberya; limitadong biyahe, ipinatupad

National News
Maagang nakaranas ng aberya ang operasyon ng Metro Rail Transit ngayong Lunes. Sa abiso ng Department of Transportation (DOTr), alas-6:21 ng umaga nang makaranas ng problemang-teknikal sa pagitan ng Boni Avenue at Shaw Boulevard stations. Agad nagpatupad ng limitadong biyahe ang MRT mula North Avenue Station Hanggang Shaw Boulevard Station at vice versa. Samantala, inihinto ang biyahe mula Shaw Boulevard Station hanggang Taft Station at vice versa. Naibalik sa normal ang operasyon ng MRT makaraan 44 na minuto o alas-7:05 ng umaga.
Tren ng MRT nagkaaberya sa Cubao Station

Tren ng MRT nagkaaberya sa Cubao Station

Metro News
Muling nakaranas ng aberya ang operasyon ng Metro Rail Transit (MRT) ngayong Martes. Sa abiso ng Department of Transportation (DOTr), alas-8:55 ng umaga nang pababain ang mga pasahero sa Cubao Station Southbound dahil sa problemang teknikal. Agad namang naibalik sa normal ang operasyon ng tren makaraan ang ilang minuto.
Tren ng MRT, maagang nagka-aberya

Tren ng MRT, maagang nagka-aberya

Metro News
Maagang nagka-aberya ang operasyon ng Metro Rail Transit ngayong huwebes. Sa abiso ng Department of Transportation (DOTr), alas 6:38 ng umaga nang pinababa ang mga pasahero sa Ayala Southbound Station dahil sa problemang teknikal. Agad naman naibalik sa normal ang operasyon ng MRT makaraan ang ilang minuto.