Cebu – DZAR 1026
DZAR 1026 (Ka-Partner mo sa Balita at Serbisyo!)

Tag: Cebu

Cebu nilindol kaninang madaling-araw

Cebu nilindol kaninang madaling-araw

Provincial
Niyanig ng magkasunod na lindol ang Cebu kaninang madaling-araw. Sa datos ng Philippine Institute of Volcanology and Seismology (PHIVOLCS), unang naitala ang magnitude 3.4 na lindol sa Asturias, Cebu na may lalim na limang kilometro bandang alas-3:41. Makalipas ang ilang minuto, sunod namang naramdaman ang magnitude 4.8 na lindol sa Balamban, Cebu na may lalim na dalawampu’t limang kilometro. Naramdaman ang intensity 3 sa Cebu City samantalang intensity 2 naman sa Lapu-Lapu City at Mandaue City. Pawang tectonic ang origin ng magkasunod na lindol. Wala namang naiulat na napinsala o nasaktan dahil sa magkasunod na pagyanig.
3 drug pushers, patay sa buy-bust operation sa Cebu

3 drug pushers, patay sa buy-bust operation sa Cebu

Provincial
Nabaril at napatay ng mga awtoridad sa buy-bust operation ang tatlong drug pushers sa Siyudad ng Danao, Cebu. Isinagawa ang operasyon sa loob ng inuupahang bahay ng isang “Juluis Gacita” na nagpaputok umano sa mga pulis samantalang nagtatangkang tumakas kasama ang dalawa pang suspek. Ayon sa mga awtoridad, tumatanggap si Gacita ng suplay ng droga mula sa isang preso sa Lapu-Lapu City Jail.
Tagaytay radar, sinimulan nang isara ng CAAP

Tagaytay radar, sinimulan nang isara ng CAAP

National News
Sinimulan na ang pagsasara ng Civil Aviation Authority of the Philippines (CAAP) sa Tagaytay radar bilang bahagi ng system maintenance. Alas-sais ng umaga nang isara ang radar na ginagamit ng Ninoy Aquino International Airport (NAIA) para sa mga pumapasok na flight sa Maynila. Magtatagal ang temporary shutdown ng anim na araw. Paglilinaw naman ng CAAP, kahit naka-shutdown ang Tagaytay radar, operational pa naman ang dalawang radar sa Cebu at Laoag kaya hindi naman tuluyang napilayan ang dating ng mga eroplano sa NAIA. Kasabay ng shutdown ang pag-upgrade sa Tagaytay radar para na rin ito maging world class. Huling ginawa ang maintenance shutdown sa Tagaytay radar noong 2009, mas mahaba sa dapat sana’y kada-limang taong shutdown. Magtatagal ang hakbang nang hanggang M...
7 Pinay, nasagip mula sa isang dayuhan sa Cebu

7 Pinay, nasagip mula sa isang dayuhan sa Cebu

Provincial
Nasagip ng mga tauhan ng National Bureau of Investigation (NBI) Region 7 at ng Provincial Women’s Commission ang pitong Pinay mula sa kamay ng mga dayuhan. Napag-alamang ang nasabing mga babae ay ni-recruit umano ng isang Maribeth Bontog para maging escort at sex partners ng mga lalaking Koreano na pupunta ng Cebu. Ayon sa NBI, nakatanggap sila ng ulat na isang Korean syndicate ang nag-o-operate sa Cebu na nag-aalok ng sex tourism tour package sa Korea para sa mga gustong magtungo sa Cebu. Nabatid na ang transaksiyon ay isinasagawa sa pamamagitan ng pag-log on sa isang website na exclusive lamang sa mga Koreanong lalaki. Inamin ng mga babae na binabayaran sila ng dalawang libong piso kada-araw kapalit ng kanilang pagsama at pakikipag-sex sa mga Koreano. Sa ngayon ay pa...
Pagpapahubad sa mga preso sa Cebu, uusisain ng CHR

Pagpapahubad sa mga preso sa Cebu, uusisain ng CHR

National News
Iimbestigahan ng Commission on Human Rights (CHR) ang pagpapahubad sa mga preso sa Cebu Provincial Jail. Ayon kay CHR Commissioner Karen Gomez-Dumpit, titingnan nila kung saan lumihis ang pamunuan ng provincial jail base sa kanilang manual. Bukod dito, sisilipin din ng CHR ang pagkalat ng mga larawan ng mga nakahubad na preso. Ipinunto ni Dumpit na maraming pag-aaral ang nagsasabing ang pagpapahubad sa mga preso ay sinasamahan ng mga di-makataong pamamaraan. Pinaghubad ang mga preso bilang bahagi ng raid dahil sa mga kontrabando umanong nakapasok sa kulungan.
DOH, nagdeklara ng cholera outbreak sa ilang bayan sa Bohol at Cebu

DOH, nagdeklara ng cholera outbreak sa ilang bayan sa Bohol at Cebu

Provincial
Nagdeklara ng cholera outbreak ang Department of Health (DOH) sa dalawang lugar sa Visayas. Ayon sa doh, apektado ng cholera ang Sitio Badjao Bridge sa Barangay Totolan sa bayan ng Dauis sa Bohol at Carnaza Island sa bayan ng Daanbantayan sa Cebu. Nasa pitumpung residente ng Sitio Badjao Bridge ang isinugod sa ospital noong nakaraang linggo at kasalukuyan nang nagpapanggaling. Higit isandaan katao naman sa Carnaza Island ang kumpirmadong nainpeksyon ng cholera. Nagpadala na ang doh ng mga bagong water containers at water-purification chemicals sa mga apektadong lugar. Kadalasang nakukuha ang cholera sa maruming tubig inumin.
PISTON at Stop and Go, muling magsasagawa ng nationwide transport holiday ngayong Lunes

PISTON at Stop and Go, muling magsasagawa ng nationwide transport holiday ngayong Lunes

National News
Muling magsasagawa ngayong araw ng nationwide transport holiday ang grupong Pinagkaisang Samahan ng mga Tsuper at Operators Nationwide (PISTON) at iba’t ibang transport coalition. Plano ng grupo na iparalisa ang biyahe ng mga public utility jeepney o PUJ sa buong bansa. Kasabay ring isasagawa ang transport strike sa Cagayan at Isabela Province sa Region 2, Laguna, Bicol Region partikular sa Sorsogon, Albay at Camarines Sur, Baguio, Iloilo, Aklan, Capiz, Negros Occidental, Cebu, Leyte, Northern Mindanao Partikular sa Cagayan De Oro, Bukidnon, General Santos at dito sa Metro Manila. Ayon sa PISTON, tinatayang aabot sa 200,000 tsuper at operators ang makikilahok sa kanilang welga kaya’t asahan na ang pahirapang pagsakay. Lalahok din sa malawakang tigil-pasada ang grupong S...
Mahigit 100 flights ng Cebu Pacific at CEBGO, kanselado dahil sa Tagaytay radar shutdown

Mahigit 100 flights ng Cebu Pacific at CEBGO, kanselado dahil sa Tagaytay radar shutdown

National News
Kanselado ang mahigit isandaang flights ng Cebu Pacific at CEBGO dahil sa anim na araw na maintenance shutdown ng air traffic radar sa Tagaytay. Kabilang dito ang mga biyaheng patungong Bacolod, Cagayan De Oro, Cotabato, Davao, General Santos, Iloilo, Kalibo, Legazpi, Puerto Princesa, Cebu, Caticlan, Kalibo, Legaspi, Tagbilaran, Tuguegarao, Tacloban, Dumaguete at Zamboanga ng Cebu Pacific. Kanselado rin ang mga biyaheng patungong Cauayan, Caticlan, Kalibo, Legazpi at Naga ng CEBGO. Pinapayuhan ang mga apektadong pasahero na makipag-ugnayan sa airline company para sa rebooking o refund ng kanilang mga ticket. Magsisimula ang maintenance sa Marso a-sais hanggang Marso a-onse.
PRO Director 7 Taliño, kumambyo sa pahayag na  na walang Korean mafia sa Cebu

PRO Director 7 Taliño, kumambyo sa pahayag na na walang Korean mafia sa Cebu

National News
Binawi ni Police Regional Office 7 Director Chief Superitendent Noli Taliño ang sariling pahayag na walang Korean mafia sa Cebu. Ayon kay Taliño, may nakuha silang ebidensiya na mayroong ilang miyembro ng Korean mafia na nagtatago sa nasabing probinsiya. Batay sa datos na nakalap ng pulisya, naging aktibo umano ang korean mafia mula 2009 hanggang 2013 at nagsimula lamang mag-lie low noong 2014. Sa isang pahayag, sinabi naman ng korean consulate na wala silang natatanggap ng ebidensiya o datos mula sa gobyerno ng Pilipinas kaugnay sa sinasabing korean mafia. Ayon kay Consul General Oh Sung Yong, nakaapekto sa moral ng mga koreanong nasa Cebu ang ulat. Nagkaroon naman ang closed-door meeting ang korean attache at mga opisyal ng PRO-7 kaugnay sa nasabing isyu.
U.S., magsisimula nang magpatayo ng mga pasilidad sa ilang mga base militar sa bansa

U.S., magsisimula nang magpatayo ng mga pasilidad sa ilang mga base militar sa bansa

National News
Sisimulan na umano ng United States ang pagtatayo ng mga pasilidad sa ilang piling base militar ng Pilipinas ngayong taon. Ayon kay Defense Secretary Delfin Lorenzana, alinsunod ito sa Enhanced Cooperation Agreement o EDCA. Sinabi pa ng kalihim na noong Oktubre pa ng nakaraang taon, inaprubahan ng U.S Congress ang pondo para sa mga itatayong pasilidad. Napagkasunduan na sa Fort Magsaysay sa Nueva Ecija, Lumbia Air Base sa Cagayan De Oro, Mactan-Beniteo Ebuen Air Base sa Cebu, Antonio Bautista Air Base sa Palawan at Basa Air Base sa Pampanga magtatayo ang U.S ng pasilidad. Dagdag pa ni Lorenzana, alam ng pangulo ang nakatakdang konstruksyon ng mga nasabing pasilidad. Magugunitang ilang beses na nagbanta si Duterte na ipapabasura ang EDCA.