Cavite – DZAR 1026
DZAR 1026 (Ka-Partner mo sa Balita at Serbisyo!)

Tag: Cavite

Duterte, Robredo inaasahang magkikita sa graduation rites ng PNPA ngayong araw

Duterte, Robredo inaasahang magkikita sa graduation rites ng PNPA ngayong araw

National News
Inaasahang muling magkikita si Pangulong Rodrigo Duterte at Vice President Leni Robredo sa graduation ceremony ng Philippine National Police Academy (PNPA) ngayong araw. Ito ay kung pagbabasehan ang iskedyul ng dalawang mataas na opisyal. Parehong nakatakdang dumalo sina Duterte at Robredo sa pagtatapos ng 144 PNPA Masidlak Class of 2017 sa Gen. Cicero Campos Grandstand sa Silang, Cavite. Magsisilbing guest of honor ang pangulo at maggagawad ng Presidential Kampilan sa topnotcher ng PNPA Masidlak Class of 2007 samantalang igagawad naman ni Robredo ang Vice Presidential Kampilan sa may ikalawang may pinakamataas na grado. Huling nagkita ang dalawang mataas na opisyal noong graduation ceremony ng Philippine Military Academy (PMA).
12 pasahero ng nawawalang bangka sa Bataan ‘di pa rin natatagpuan

12 pasahero ng nawawalang bangka sa Bataan ‘di pa rin natatagpuan

Provincial
Pinaghahanap pa rin ng Philippine Coast Guard (PCG) ang labindalawang pasahero ng maliit na bangkang nawawala mula pa noong Linggo sa bahagi ng Mariveles, Bataan. Galing umano ang nasabing bangka sa Naic, Cavite at patungo sana sa Bataan, kung saan ay dadalo sa isang fiesta ang mga pasahero nito. Ayon kay Rolando Rolloda, chief master ng Arms of Bataan Coast Guard, noong Lunes lamang nila natanggap ang ulat tungkol sa nawawalang bangka. Agad naman aniya silang nagsagawa ng search and rescue operations pero hanggang ngayon ay wala pa silang natatagpuang bakas ng bangka at ng mga lulan nitong pasahero.
2 suspek sa gun-running syndicate tiklo sa Cavite

2 suspek sa gun-running syndicate tiklo sa Cavite

Metro News
Arestado ng Criminal Investigation and Detection Group (CIDG) Anti-Transnational Crime Unit ang dalawang hinihinalang miyembro ng gun-running syndicate sa Imus, Cavite. Kinilala ang mga suspek na sina Lhar Ace at kapatid nito na umano’y sangkot sa gun-running activity at pagbebenta ng iligal na droga. Nakumpiska sa dalawa ang pinatuyong dahon ng marijuana, marijuana brick, ilang drug paraphernalia, mga bala at baril.
Koreano, arestado sa investment scam

Koreano, arestado sa investment scam

Provincial
Natimbog sa Dasmariñas, Cavite ang South Korean na sangkot sa P5 million investments scam. Kinilala ang suspek na si Noh Deokeun. Ayon sa Bureau of Immigrations (BI), inaresto si Noh alinsunod sa inilabas na order ng South Korean Court laban sa Koreano dahil sa pagkakasangkot nito sa investment scam. Iniimbestigahan na ng BI ang kasong kinasasangkutan ng Koreano. Ayon kay BI Associate Commissioner Jose Carlitos Licas, pagpapakita ito na seryoso ang Pilipinas na tulungan ang gobyerno ng Korea na tugisin ang mga pumugang Koreano. Nakatakda namang ipa-deport ang naturang Koreano na kasalukuyan ngayong nakapiit sa Immigration detention facility sa Bicutan.
Nasawi sa sunog sa HTI factory sa Cavite, umakyat na sa 4

Nasawi sa sunog sa HTI factory sa Cavite, umakyat na sa 4

Metro News
Umakyat na sa apat ang nasawi sa sunog sa House Technology Industries (HTI) sa General Trias, Cavite. Ito ang kinumpirma ni Cavite Governor Boying Remulla sa kanyang Facebook account. Ayon kay Remulla, binawian na ng buhay ang isa pang empleyado ng HTI na kinilalang si Jojo Arcinue dahil sa multiple organ failure bunsod ng matinding komplikasyon. Una nang nasawi sa insidente sina Jerome Sismaet, Richard Sargento at Alex Lerog. Patuloy pa rin ang imbestigasyon ng mga awtoridad sa nangyaring sunog.
Kumpirmadong nasawi sa HTI fire sa Cavite, pumalo na sa 3

Kumpirmadong nasawi sa HTI fire sa Cavite, pumalo na sa 3

National News
Pumalo na sa tatlo ang nasawi sa nangyaring sunog sa House Technology Industries (HTI) building sa Cavite noong nakaraang dalawang linggo. Kinumpirma ni Cavite Governor Boying Remulla ang pagkasawi ng pinangalanang si Alex Lerog. Si Lerog na isang factory line leader ay namatay noong Biyernes dahil sa severe infection. Mayroon na ring dalawang line leader na nasawi dahil sa tindi ng sunog na tinamo sa katawan.
Patay sa HTI fire, 2 na

Patay sa HTI fire, 2 na

Metro News
Dalawa na ang patay sa nangyaring sunog sa House Technology Industries (HTI) sa Cavite Economic Zone sa General Trias, Cavite. Kinumpirma ni Cavite Governor Boying Remulla na nasawi si Richard Sargento dahil sa kumplikasyon sa tinamong mga sugat sa sunog. Si Sargento ay isa sa mga line leader ng HTI. Noong nakaraang linggo ay namatay rin ang isa pang empleyado ng HTI na nadamay sa sunog.
40 sugatan sa sunog sa Cavite

40 sugatan sa sunog sa Cavite

National News
Wala pang opisyal na bilang ng mga nasugatan at pinangangambahang nasawi sa sunog sa Cavite Economic Zone sa General Trias, Cavite Pero ayon kay Cavite Governor Boying Remulla, apatnapu pa ang nasa dalawang ospital. Sampu sa mga ito ay lubhang nasugatan at nagtamo ng third-degree burns. Ani Remulla, dahil sa pitumpu hanggang siyamnapung porsyento ng kanilang katawan ang nasunog, ililipat ang mga ito sa Philippine General Hospital sa Maynila. Nakikipag-ugnayan na ang lokal na pamahalaan ng Cavite sa Philippine Red Cross at Scene of the Crime Operatives (SOCO) para sa posibleng pagrerekober ng mga bangkay oras na tuluyan nang maapula ang sunog. Tinatayang nasa pitong bilyong piso naman ang halaga ng ari-ariang napinsala sa sunog.
DOLE, sinisilip kung may paglabag ang HTI

DOLE, sinisilip kung may paglabag ang HTI

National News
Nagpadala na ng team si Labor Secretary Silvestre “Bebot” Bello para imbestigahan ang nangyayaring sunog sa HTI Factory sa General Trias, Cavite. Titingnan ng DOLE-Occupational Safety and Health Center kung may paglabag ang nasabing pabrika. Samantala, sinabi naman ni Bello na makakatanggap ng tig-tatatlumpung libong piso mula sa ahensya ang mga biktima ng nasabing sunog.
2 Russian Warship, dumaong sa bansa para sa limang araw na goodwill visit

2 Russian Warship, dumaong sa bansa para sa limang araw na goodwill visit

National News
Dumaong sa Pier 15 ng Manila South Harbour ang dalawang barkong pandigma ng Russia. Kabilang sa mga aktibidad nito sa bansa ay ang pagbisita sa mga makasaysayang lugar sa Maynila at Cavite, magkakaroon din ito ng capability deminstration, goodwill games, wreath laying at shipboard tour. Ang pagbisita rin ng Russian Warship sa bansa ay kasunod ng inaasahang pagbisita ni Pangulong Rodrigo Duterte sa Russia. Ayon kay Rear Admiral Eduard Mikhailov, Deputy Commander ng Flotilla of Pacific Fleet ng Russian Navy, ito na ang ikatlong pagkakataon na bumisita sa bansa ang mga barkong pandigma ng Russia kung saan ang una ay noong Enero 2012 at nasundan noong Mayo 2016. Tatagal hanggang Enero 7 sa bansa ang dalawang Russian Warship.