Bocaue – DZAR 1026
DZAR 1026 (Ka-Partner mo sa Balita at Serbisyo!)

Tag: Bocaue

Kadamay di-aalis sa inokupahang mga pabahay sa Pandi

Kadamay di-aalis sa inokupahang mga pabahay sa Pandi

Provincial
Nagmatigas pa rin ang grupong Kadamay at nanindigang hindi aalis sa inookupahang pabahay sa Bulacan. Tumanggi ang mga miyembro ng grupo na umalis sa Pandi-Atlantica na isa pang housing project ng National Housing Authority (NHA). Ito ay sa kabila ng eviction notice na nakaambang ilabas ngayong araw. Noong nakaraang linggo ay nagtangka rin ang Kadamay na okupahan ang isa pang pabahay ng gobyerno sa Bocaue, Bulacan.
Mga pabahay sa Bocaue, Bulacan bantay-sarado vs Kadamay

Mga pabahay sa Bocaue, Bulacan bantay-sarado vs Kadamay

National News
Sumiklab ang tensiyon sa pabahay ng pamahalaan sa Bocaue Hills, Bocaue, Bulacan. Nagtangkang pumasok sa lugar ang mga miyembro ng grupong Kalipunan ng Damayang Mahihirap (Kadamay) na una nang umokupa sa ilan ding pabahay ng gobyerno sa Pandi, Bulacan. Dahil dito, bantay-sarado ng pulisya ang lugar at hindi basta-basta pinapapasok ang mga hindi residente. Nanindigan naman ang mga residente na hindi papapasukin ang mga miyembro ng Kadamay. Iginiit ng mga ito na may mga may-ari na ng mga bakanteng bahay na nais okupahan ng grupo. Giit naman ng grupo, dapat mapakinabangan ng mahihirap ang mga bakanteng bahay sa Bocaue Hills. Hanggang ngayon ay inookupahan pa rin ng mga miyembro ng grupo ang mga bakanteng unit sa Pandi. Una nang tinawag ni Pangulong Rodrigo Duterte ang ...
Azkals, makakaharap ang Kyrgyzstan sa isang friendly match sa Nobyembre

Azkals, makakaharap ang Kyrgyzstan sa isang friendly match sa Nobyembre

Sports
Kinumpirma ng Philippine Football Federation na magkakaroon ng friendly match ang Philippine Azkals laban sa Kyrgyzstan sa Nobyembre 9 sa Rizal Memorial Football Stadium. Nitong nakaraang buwan ay nakaharap na rin ng Azkals sa isang friendly ang Kyrgyzstan sa iskor na 2-1 pabor sa Pilipinas. Ang naturang friendly match ay bilang paghahanda sa nalalapit na ASEAN Football Federation Suzuki Cup na gaganapin sa Nobyembre 19. Unang makakaharap ng Azkals sa Suzuki Cup ang Singapore sa Philippine Sports Stadium sa Bocaue, Bulacan.
Sumabog na tindahan ng paputok sa Bocaue, ininspeksyon

Sumabog na tindahan ng paputok sa Bocaue, ininspeksyon

Provincial
Nag-inspeksyon ang mga otoridad sa sumabog na tindahan ng paputok sa Bocaue, Bulacan. Ayon kay PNP Firearms and Explosive Office Chief Supt. Cesar Binag, pumasa ang sumabog na tindahan sa kanilang inspeksyon noong Mayo. Ang naturang pagsabog ay ikinasawi ng dalawang katao. Matatandaang pansamantala nang ipinasara ni Bocaue Mayor Jonie Villanueva-Tugna ang mga tindahan ng paputok sa lugar para matiyak na hindi na mauulit pa ang nangyaring pagsabog na sinundan ng malaking sunog.
Mga tindahan ng mga paputok sa Bocaue, sarado muna

Mga tindahan ng mga paputok sa Bocaue, sarado muna

Provincial
Ipinag-utos ng lokal na pamahalaan ng Bocaue, Bulacan ang pansamantalang pagpapasara sa mga tindahan ng paputok sa lugar. Kasunod ito ng pagsabog kahapon ng isa sa tindahan doon at ikinamatay ng dalawang katao. Nakiusap si Bocaue Mayor Joni Villanueva–Tugna sa mga nagnenegosyo na itigil muna ang pagtitinda ng paputok habang pinag-aaralan ang mga paraan para hindi na maulit pa ang nangyari. Aminado naman ang alkalde na mahirap na basta na lang ipatigil ang industriya ng paputok dahil ito ang ikinabubuhay ng karamihan sa mga residente sa Bocaue. Una nang sinabi ni Villanueva-Tugna na handa silang rebisahin ang mga umiiral na polisiya sa industriya ng paputok sa kanilang lugar matapos ang nangyaring pagsabog na sinundan ng sunog.
Dalawa patay at 24 ang sugatan sa pagsabog sa tindahan ng paputok sa Bocaue, Bulacan

Dalawa patay at 24 ang sugatan sa pagsabog sa tindahan ng paputok sa Bocaue, Bulacan

Provincial
Dalawa ang patay habang dalawampu’t apat ang sugatan sa nangyaring pagsabog sa mga tindahan ng paputok sa Binang 1st Village sa Bocaue, Bulacan. Ayon kay Bocaue, Bulacan Bureau of Fire Protection Senior Inspector Renante Batchine, dahil sa lakas ng pagsabog anim na sasakyan ang nasunog. Inaalam pa naman ang pagkakakilanlan ng nasawi at ng mga sugatan sa nangyari. Sampung establisimiyento din ang nadamay sa naturang pagsabog. Samantala, tiniyak naman ni Bocaue Mayor Jonie Villanueva na may matatanggap na tulong ang mga biktima. Tumagal ng lagpas dalawang oras ang nangyaring pagsabog.
1 patay sa firecracker blast sa Bocaue, Bulacan

1 patay sa firecracker blast sa Bocaue, Bulacan

National News
Isa ang patay habang walo ang sugatan sa nangyaring pagsabog sa mga tindahan ng paputok sa Binang 1st Village sa Bocaue, Bulacan. Isa naman ang nawawala sa pagsabog. Ayon kay Bocaue, Bulacan Bureau of Fire Protection Senior Inspector Renante Batchine, anim na tumilapong truck dahil sa lakas ng pagsabog. Inaalam pa naman ang pagkakakilanlan ng nasawi at ng mga sugatan sa nangyari. Samantala, tiniyak naman ni Bocaue Mayor Jonie Villanueva na may matatanggap na tulong ang mga biktima. Tumagal ng lagpas dalawang oras ang nangyaring pagsabog.