Provincial – Page 2 – DZAR 1026
DZAR 1026 (Ka-Partner mo sa Balita at Serbisyo!)

Provincial

2 Malaysians na bihag ng ASG nailigtas

2 Malaysians na bihag ng ASG nailigtas

Provincial
Nailigtas ng Armed Forces of the Philippines (AFP) ang dalawang Malaysian nationals na bihag ng Abu Sayyaf Group (ASG) sa Sulu. Ayon kay AFP-Public Affairs Chief Marine Colonel Edgard Arevalo, nasagip ang mga bihag matapos ang isinagawang operasyon ng Philippine Marines sa Marshland Village, Carudong, Sulu. Sinabi ni Arevalo na may nakapagbigay sa kanila ng impormasyon na may aabot sa tatlumpung Abu Sayyaf ang nasa lugar kasama ang limang bihag ng mga ito. Dinala na ang mga biktima sa Camp General Teodulfo Bautista para sa debriefing. Dinukot ang dalawang dayuhan noong Hulyo 2016 samantalang lulan ng kanilang bangka sa Labad Datu sa Malaysia.
12 pasahero ng nawawalang bangka sa Bataan ‘di pa rin natatagpuan

12 pasahero ng nawawalang bangka sa Bataan ‘di pa rin natatagpuan

Provincial
Pinaghahanap pa rin ng Philippine Coast Guard (PCG) ang labindalawang pasahero ng maliit na bangkang nawawala mula pa noong Linggo sa bahagi ng Mariveles, Bataan. Galing umano ang nasabing bangka sa Naic, Cavite at patungo sana sa Bataan, kung saan ay dadalo sa isang fiesta ang mga pasahero nito. Ayon kay Rolando Rolloda, chief master ng Arms of Bataan Coast Guard, noong Lunes lamang nila natanggap ang ulat tungkol sa nawawalang bangka. Agad naman aniya silang nagsagawa ng search and rescue operations pero hanggang ngayon ay wala pa silang natatagpuang bakas ng bangka at ng mga lulan nitong pasahero.
Babaeng may kasong illegal recruitment, estafa dinampot ng NBI sa Pasay

Babaeng may kasong illegal recruitment, estafa dinampot ng NBI sa Pasay

Provincial
Arestado ng National Bureau of Investigation (NBI)-Anti Organized Transnational Crimes sa isang entrapment operations sa Pasay City ang isang babaeng sangkot sa illegal recruitment at estafa. Ayon sa NBI, nahaharap sa mga nasabing kaso sa iba’t ibang korte ang suspek na si Gloria Javillonar. Mayroon itong nakabinbing kaso sa mga korte sa San Jose, Oriental Mindoro, Parañaque City at sa Lipa City, Batangas. Inihahanda naman ng NBI ang panibagong kaso kay Javillonar na may kaugnayan sa entrapment operation.
Higit 10 bahay nasunog sa Cebu City

Higit 10 bahay nasunog sa Cebu City

Provincial
Nasunog ang mahigit sampung bahay sa isang compound sa Barangay Punta Princesa sa Cebu City. Ayon kay Bureau of Fire Protection Senior Fire Officer Roger Dabalos, nagsimula ang apoy sa kusina ng apartment na nirerentahan ni Annalyn Sacedon. Hindi pa matukoy ang sanhi ng sunog. Wala ring naiulat na nasugatan sa insidente.
3 miyembro ng gun-for-hire patay sa Bulacan

3 miyembro ng gun-for-hire patay sa Bulacan

Provincial
Patay ang tatlong miyembro ng gun-for-hire group matapos manlaban sa isinagawang operasyon ng mga pulis sa Barangay Piel, Baliuag, Bulacan. Kinilala ang isa sa mga nasawi na si Randy Lopez na siya umanong lider ng grupo at target ng naturang operasyon. Sangkot umano ang grupo sa ilang gun-for-hire activity, pagnanakaw at carnapping. Narekober sa mga suspek ang isang kalibre .45 pistol, improvised air gun at dalawang revolver. Agad na nagsagawa ng follow-up operation ang mga awtoridad laban sa iba pang miyembro ng grupo.
5 lalaking sangkot sa pagnanakaw at paggamit ng droga arestado sa Laguna

5 lalaking sangkot sa pagnanakaw at paggamit ng droga arestado sa Laguna

Provincial
Hinuli ng pulisya ang limang lalaking sangkot umano sa nakawan at bentahan ng iligal na droga sa Barangay Malabon, Biñan, Laguna. Dalawa sa mga suspek ang nahuli sa CCTV na nagnanakaw sa isang bahay. Kinilala ang mga ito na sina Eugene Dizon at Noel Flores. Aminado ang dalawa na gumagamit at nagtutulak ng ipinagbabawal na gamot. Bukod sa dalawa, kakasuhan din ng paglabag sa Dangerous Drugs Act ang iba pa nilang kasamahan.
Patay na balyena natagpuan sa Catanduanes

Patay na balyena natagpuan sa Catanduanes

Provincial
Isang patay na balyena ang natagpuan sa Barangay Dororian sa Bayan ng Gigmoto, Catanduanes. Nakita ng mangingisdang si Eli Poririt ang patay na balyena na tila naipit at nadaganan ng malalaking bato sa dalampasigan sa mabatong bahagi ng dalampasigan. May sampung metrong haba at anim na metrong lapad ang balyena, kaya hindi ito kayang buhatin ng mga residente para mailibing. Hihintayin na lamang umano na maagnas nang tuluyan ang patay na balyena dahil hindi rin ito kakayaning tanggalin gamit ang backhoe dahil sa mabato at hindi maaakyat ang kinaroroonan nito. Tiniyak naman ng mga awtoridad na hindi dapat mabahala ang mga residente sa lugar dahil malayo naman ang patay na balyena sa kanilang mga kabahayan.
1 patay, 8 sugatan sa ambush sa Sultan Kudarat

1 patay, 8 sugatan sa ambush sa Sultan Kudarat

Provincial
Patay ang isang sundalo samantalang walo ang sugatan matapos tambangan ng mga hinihinalang New People’s Army (NPA) sa Kalamansig, Sultan Kudarat. Ayon kay Mayor Eugene Garcia, patungong Sitio Tinangdanan, Barangay Hinalaan ang mga miyembro ng 2nd Marine Company nang pagbabarilin ng mga rebelde. Patuloy namang ginagamot sa ospital ang walong sugatan.
Cebu nilindol kaninang madaling-araw

Cebu nilindol kaninang madaling-araw

Provincial
Niyanig ng magkasunod na lindol ang Cebu kaninang madaling-araw. Sa datos ng Philippine Institute of Volcanology and Seismology (PHIVOLCS), unang naitala ang magnitude 3.4 na lindol sa Asturias, Cebu na may lalim na limang kilometro bandang alas-3:41. Makalipas ang ilang minuto, sunod namang naramdaman ang magnitude 4.8 na lindol sa Balamban, Cebu na may lalim na dalawampu’t limang kilometro. Naramdaman ang intensity 3 sa Cebu City samantalang intensity 2 naman sa Lapu-Lapu City at Mandaue City. Pawang tectonic ang origin ng magkasunod na lindol. Wala namang naiulat na napinsala o nasaktan dahil sa magkasunod na pagyanig.
Holdaper patay matapos manlaban sa Parañaque City

Holdaper patay matapos manlaban sa Parañaque City

Provincial
Patay ang isang holdaper matapos manlaban sa C-5 Extension Parañaque City kaninang madaling araw. Ayon sa mga awtoridad, nang-agaw ng bag ang suspek sa isang babae sa harapan ng mall na armado ng kalibre .38. Sa ngayon, inaalam pa ng mga awtoridad ang pagkakakilanlan ng napatay na holdaper. Samantala sa Quezon City, iba’t ibang uri ng baril at bala ang nakumpiska ng Quezon City Police District (QCPD) sa isang bahay sa Vivian St. Brgy. Culiat. Maliban pa rito, nakakumpiska rin ang mga awtoridad ng 7 sachets ng hinihinalang shabu. Tinitingnan naman ng mga awtoridad ang posibleng koneksiyon ng target sa operasyon ng mga armed group.